شەتەلدىكتەردى «قۇلدىقتا» ۇستاعان: شىمكەنتتەگى كىرپىش زاۋىتىنىڭ قوجايىندارى ۇستالدى

Шетелдіктерді «құлдықта» ұстаған: Шымкенттегі кірпіш зауытының қожайындары ұсталды
Фото: Фото: видеодан кадр

شىمكەنتتە ۇيىمداسقان قىلمىسقا قارسى كۇرەس باسقارماسى زاڭسىز ەڭبەككە تارتتى دەگەن كۇدىكپەن ەكى كىرپىش زاۋىتىنىڭ قوجايىنىن ۇستادى، دەپ حابارلايدى Kazinform.

14 -قازان كۇنى الماتى قالاسى پوليتسيا دەپارتامەنتىنىڭ «102» ارناسىنا اقتوبە قالاسىنىڭ تۇرعىنىنان ارىز تۇسكەن. وندا وزبەكستان ازاماتى ەڭبەك قۇلدىعىنان قاشىپ قۇتىلىپ، الماتىداعى اپكەسىنىڭ جانىنا كەلگەنىن ايتقان. بۇعان دەيىن ونى شىمكەنتتەگى كىرپىش زاۋىتىنىڭ قوجايىندارى «فيزيكالىق كۇش كورسەتەمىن» دەپ قورقىتىپ ۇستاپ كەلگەنىن جەتكىزگەن. الايدا بەلگىسىز بىرەۋلەر قايتادان ءىنىسىنىڭ ىزىنە ءتۇسىپ، قارا ءتۇستى BMW كولىگىمەن ۇرلاپ كەتكەنى جونىندە شاعىمدانعان.

قىلمىستىڭ اۋىرلىعىن ەسكەرە وتىرىپ، الماتى جانە شىمكەنت قالالارىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى بىرلەسكەن ارنايى جەدەل ءىس- شارالار جۇرگىزىپ، كۇدىكتى رەتىندە ءۇش ەر ادامدى ۇستادى. ولار كىرپىش زاۋىتتارىنىڭ يەلەرى، ەكەۋى اعايىندى بولىپ شىقتى.

ءتىنتۋ جۇمىستارىن جۇرگىزۋ كەزىندە جەدەل ۋاكىلدەر ەكى زاۋىتتىڭ اۋماعىنان 60-تان استام شەتەلدىكتى تاپتى. ولار كورشى وزبەكستاننان كەلگەن.

«سوتقا دەيىنگى تەرگەپ- تەكسەرۋ بارىسىندا شەتەلدىكتەر زاۋىتقا جۇمىسقا شاقىرىلعانى انىقتالدى. سودان كەيىن ولاردىڭ قۇجاتتارىن تارتىپ الىپ، جالاقى بەرىلمەگەنى جانە ۇنەمى فيزيكالىق زورلىق- زومبىلىق كورسەتەمىز دەپ قورقىتىپ ۇستاعانى بەلگىلى بولدى» - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.

بۇگىن دە 25 شەتەلدىك جۇمىسشى «سانا- سەزىم» قوعامدىق بىرلەستىگىنىڭ قامقورلىعىنا الىنسا، 30-دان استام ازامات جەكە باسىن كۋالاندىراتىن قۇجاتتارىنىڭ بولماۋىنا بايلانىستى قابىلداپ- تاراتۋ ورتالىعىنا ورنالاستىرىلدى.

«پوليتسياعا كۇدىكتىلەرگە قاتىستى شەتەلدىك ازاماتتاردان ءۇش رەسمي ارىز ءتۇستى. كۇدىكتىلەر قاماۋدا. ولاردىڭ ۇستىنەن ق ر قىلمىستىق كودەكسىنىڭ ەكى بابى: 126 «باس بوستاندىعىنان زاڭسىز ايىرۋ» جانە 389 «وزىنشە بيلىك ەتۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ساراپتاما تاعايىندالدى» - دەلىنگەن ۆەدومستۆو تاراپىنان ۇسىنىلعان اقپاراتتا.

اۆتور

قايرات زاينيشيەۆ

سوڭعى جاڭالىقتار