شەتەلدىك شوتتار: 5,4 ميلليارد تەڭگە بيۋدجەتكە قالاي قايتارىلدى

استانا. KAZINFORM - قازىرگى تاڭدا وففشورلىق يۋريسديكسيالاردا اشىلعان ازاماتتارىمىزدىڭ بانكتىك شوتتارىنداعى اقشا سوماسى 1,4 ميلليارد تەڭگە.

جىل سايىن ە ى د ۇ- عا قاتىسۋشى ەلدەردىڭ قۇزىرەتتى ورگاندارى اۆتوماتتى الماسۋدىڭ ءبىرىڭعاي ستاندارتى (CRS) شەڭبەرىندە جەكە جانە زاڭدى تۇلعالاردىڭ، سونداي-اق بەنەفيسيارلىق مەنشىك يەلەرىنىڭ شوتتارى تۋرالى دەرەكتەرمەن الماسادى.

- دەرەكتەر الماسۋدىڭ ارقاسىندا قازاقستان بيۋدجەتىنە 5,4 ميلليارد تەڭگە ءتۇستى. مەملەكەتتىك كىرىستەر كوميتەتى شەت مەملەكەتتەردىڭ سالىق ورگاندارىنان الىنعان اقپارات نەگىزىندە قازاقستاننىڭ 2 مىڭنان استام رەزيدەنتىنە تەكسەرۋ جۇرگىزدى. ناتيجەسىندە 1602 قازاقستاندىق 5,4 ميلليارد تەڭگە سوماسىنا ج ت س تولەدى. الىنعان كىرىستەردەن، سونىڭ ىشىندە ديۆيدەندتەر مەن سىياقىلار تۇرىندەگى ەڭ كوپ سوما بىرىككەن اراب امىرلىكتەرى، ۇلى بريتانيا، قىتاي حالىق رەسپۋبليكاسى، تۇركيا جانە ت. ب. ەلدەرگە تيەسىلى، - دەلىنگەن مەملەكەتتىك كىرىستەر كوميتەتى حابارلاماسىندا.

قازىرگى تاڭدا وففشورلىق يۋريسديكسيالاردا اشىلعان ازاماتتارىمىزدىڭ بانكتىك شوتتارىنداعى اقشا سوماسى 1,4 ميلليارد تەڭگە.

- ەڭ كوپ سوما پاناما رەسپۋبليكاسى 1,2 ميلليارد تەڭگە، ۆانۋاتۋ 0,2 ميلليارد تەڭگە، سان- مارينو 0,1 ميلليارد تەڭگە سياقتى ەلدەرگە جانە ت. ب. تيەسىلى، - دەلىنگەن حابارلامادا.

قازاقستان CRS شەڭبەرىندەگى ىنتىماقتاستىق گەوگرافياسىن كەڭەيتۋدى جالعاستىرىپ جاتىر.

ەگەر 2021 -جىلى دەرەكتەر الماسۋ 51 يۋريسديكسيامەن جۇزەگە اسىرىلسا، 2024 -جىلى ولاردىڭ سانى 89-عا جەتتى، ونىڭ ىشىندە 26 وففشورلىق ەل. ە ى د ۇ ازىرلەگەن بۇل تەتىك كاپيتالدى زاڭسىز شىعارۋعا قارسى كۇرەستە ماڭىزدى قۇرال، شەتەلدە شوتتارى بار قازاقستاندىقتاردىڭ كىرىستەرىنەن سالىقتاردى ءتيىمدى اكىمشىلەندىرۋگە كومەكتەسەدى.

وسىلايشا، قازاقستان سالىقتىق اشىقتىق سالاسىنداعى حالىقارالىق ىنتىماقتاستىقتى نىعايتادى، بۇل بيۋدجەت تۇسىمدەرىنىڭ ۇلعايۋىنا ىقپال ەتپەك.

ەسكە سالساق ءاليحان سمايىلوۆ پرەزيدەنتكە ەسەپ بەرگەن كەزدە بيۋدجەتكە 135 ميلليارد تەڭگە قايتارىلعانى تۋرالى ايتقان ەدى.

اۆتور

نازىم بولەسوۆا