شەتەلدىك دەلەگاتسيالار كورەياعا ساپارلارىن كەيىنگە شەگەرىپ جاتىر

استانا KAZINFORM - شۆەتسيا پرەمەر- ءمينيسترى مەن باسقا دا مينيسترلەردىڭ وڭتۇستىك كورەياعا جوسپارلانعان ساپارى كەيىنگە شەگەرىلدى، دەپ حابارلايدى Yonhap.

شۆەتسيا پرەمەر- ءمينيسترى ۋلف كريستەرسسون باستاعان شۆەد دەلەگاتسياسى بەيسەنبى كۇنى سەۋلگە كەلۋى كەرەك ەدى، ءبىراق ساپار كەيىنگە شەگەرىلدى. ساپاردىڭ قاشان بولاتىنى ءالى بەلگىلەنگەن جوق.

- سوڭعى وقيعالاردى ەسكەرە وتىرىپ، ءبىز كورەيا رەسپۋبليكاسىنا كەيىنىرەك بارعان دۇرىس دەگەن قورىتىندىعا كەلدىك، - دەلىنگەن شۆەتسيا ۇكىمەتىنىڭ مالىمدەمەسىندە.

جاپوندىق ءبىر توپ زاڭ شىعارۋشى اسكەري جاعدايدىڭ ەنگىزىلۋىنەن تۋىنداعان حاوس جاعدايىندا جاپونيانىڭ بۇرىنعى پرەمەر-ءمينيسترى يەسيحيدە سۋگانىڭ وسى ايدىڭ سوڭىنا جوسپارلانعان ساپارىن توقتاتۋ تۋرالى شەشىم قابىلدادى، دەپ حابارلايدى Kyodo News.

ا ق ش قورعانىس ءمينيسترى للويد وستيننىڭ كەلەسى اپتاعا جوسپارلانعان ساپارى دا كۇماندى، دەپ حابارلايدى Reuters. بۇقارالىق اقپارات قۇرالدارىنىڭ حابارلاۋىنشا، وستين وڭتۇستىك كورەيا مەن جاپونيادان كەلگەن ارىپتەستەرىمەن ءۇشجاقتى كەزدەسۋگە قاتىسۋ ساپارىن جوسپارلاعان.

بۇعان دەيىن پەنتاگون وكىلى كەلەسى اپتادا ۆاشينگتوندا وتكىزىلۋى جوسپارلانعان يادرولىق قارۋدى تەجەۋ ​​جونىندەگى كەلىسسوزدەر مەن سوعان بايلانىستى جاتتىعۋلاردى كەيىنگە قالدىرعانىن ايتقان.

وڭتۇستىك كورەيا شەنەۋنىكتەرىنىڭ باسقا جوسپارلانعان ديپلوماتيالىق ساپارلارى دا توقتاتىلدى نەمەسە شەكتەلدى.

3 -جەلتوقساندا وڭتۇستىك كورەيادا پرەزيدەنت يۋن سوك يەل اسكەري جاعداي ەنگىزىلگەنىن جاريالادى. بۇل ءبىر جاعىنان بۇل ەلدەگى دەموكراتيالىق ينستيتۋتتاردىڭ كۇشتىلىگىن كورسەتەدى. بۇل ەلدەگى جاعدايدىڭ سەبەبىن قازاقپارات اگەنتتىگىنىڭ حالىقارالىق باقىلاۋشىسى زەرتتەدى.

اۆتور

ەركەجان سماعۇلوۆا