شەتەلدەن كىرگەن ەسكى كولىكتىڭ جىلىن جاڭالاپ تىركەمەك بولعاندار تەرگەلىپ جاتىر

Автокөлік экспортында Қытай бірінші орынға шықты
Фото: Александр Павский/Kazinform

استانا. KAZINFORM - سوتقا دەيىنگى 23 تەرگەۋ باستالعان. الدىن الا ەسەپ بويىنشا بيۋدجەتكە 14,3 ميلليارد تەڭگەگە زالال كەلتىرىلگەن. بۇل تۋرالى قارجىلىق مونيتورينگ اگەنتتىگىنىڭ باسپا ءسوز قىزمەتى ءمالىم ەتتى.

ەكولوگيالىق قاۋىپسىزدىكتى قامتاماسىز ەتۋ ماقساتىندا مەملەكەت كولىك قۇرالىنىڭ شىعارىلعان جىلىنا بايلانىستى تىركەۋ الىمدارىنىڭ مولشەرلەمەسىن تومەندەتۋ ارقىلى ەلگە جاڭا جۇك كولىكتەرى مەن اۆتوبۋستاردى اكەلۋدى ىنتالاندىرادى. كولىكتەردىڭ كوپشىلىگى ءالى دە ديزەلمەن جۇمىس ىستەيدى جانە سونىڭ سالدارىنان اۋانىڭ لاستانۋ دەڭگەيى ارتىپ كەلەدى. ەگەر اۆتوكولىكتىڭ شىعارىلۋ مەرزىمى 5 جىلدان اسسا، وندا 2500 ا ە ك تولەۋ كەرەك، ال ەگەر 2 جىل تولماسا، تولەنەتىن سوما 0,25 ا ە ك- كە دەيىن قىسقارادى.

«كەيبىر جوسىقسىز ازاماتتار ەلگە ەسكى جانە قاۋىپتى جۇك كولىكتەرىن، اۆتوبۋستاردى جالعان قۇجاتتار بويىنشا اكەلۋگە تىرىسىپ، شىعارىلعان جىلىن اۋىستىرادى. تەك انىقتالعان فاكتىلەر بويىنشا 2022-2023 -جىلدارى سوتقا دەيىنگى 23 تەرگەۋ باستالدى، وندا الدىن الا ەسەپ بويىنشا بيۋدجەتكە 14,3 ميلليارد تەڭگەگە زالال كەلتىرىلگەن» - دەلىنگەن حابارلامادا.

ءمالىم بولعانداي، مامانداندىرىلعان ح ق ك و- نىڭ 59 لاۋازىمدى تۇلعاسى مەن مەملەكەتتىك ورگانداردىڭ قىزمەتكەرلەرىنىڭ قاتىستىلىعى تەكسەرىلىپ جاتىر.

«كولىك قۇرالدارىن زاڭسىز باستاپقى تىركەۋدىڭ نەگىزگى سحەمالارى انىقتالدى. الاياقتىق سحەمالاردى ۇيىمداستىرۋشىلار ارنايى ح ق ك و- عا باستاپقى الىمنىڭ ەڭ تومەنگى مولشەرلەمەسىن تولەۋ ماقساتىندا شىعارىلعان كۇنى وزگەرتىلگەن جالعان تۇبىرتەكتەردى ۇسىنا وتىرىپ، اۆتوكولىكتى ەسەپكە قويۋدى جۇزەگە اسىرعان. كەيبىر جاعدايدا تىركەۋ (2016-جىل بۇرىن) Egov پورتالى ارقىلى ونلاين رەجيمىندە، جالعان قۇجاتتاردى پايدالانا وتىرىپ، رەسمي ديلەردەن ساتىپ الىنعان جانە جاڭا كق رەتىندە الىمداردى تولەۋ ارقىلى جۇرگىزىلگەن، - دەلىنگەن ق م ا حابارلاماسىندا.

حالىقارالىق اۆتوموبيل تاسىمالداۋشىسىنىڭ كۋالىگى بەرىلگەن فاكتىلەر بولعان. ونداي جاعدايدا باستاپقى ەسەپكە قويۋ الىمدى تولەمەي جۇرگىزىلەدى. كەيبىر جاعدايلاردا تىركەۋ كونتراباندالىق جولمەن اكەلىنگەن كولىك قۇرالدارىنا قۇجاتتاردىڭ بارلىق پاكەتىن قولدان جاساۋمەن جۇزەگە اسىرىلدى.

ق م ا جۇرگىزگەن تالداۋ كولىك قۇرالدارىن العاشقى تىركەۋدى ارنايى ح ق ك و قىزمەتكەرلەرى ينتەگراتسيالانعان اقپاراتتىق جۇيەگە اۆتو ساناتى تۋرالى دايەكسىز دەرەكتەردى «قولدان» ەنگىزۋ ارقىلى جاسالعانىن كورسەتتى. اۆتوكولىك قۇرالدارىن بۇكىل ەل اۋماعىندا ودان ءارى زاڭسىز الاياقتىق سحەمالار ارقىلى تىركەۋدى بولدىرماۋ ماقساتىندا اگەنتتىك اقپاراتتىق جۇيەلەردى اينالىپ ءوتىپ، دەرەكتەردى «قولدان» ەنگىزۋ مۇمكىندىگىن بولدىرماۋ جونىندە شارالار قابىلدادى. «ازاماتتارعا ارنالعان ۇكىمەت» ك ە ا ق- مەن بىرلەسىپ، مەملەكەتتىك كورپوراتسيا قىزمەتىنىڭ قاعيدالارىنا زاڭنامالىق دەڭگەيدە ءتيىستى وزگەرىستەر مەن تولىقتىرۋلار ەنگىزۋ بويىنشا جۇمىس جۇرگىزىلىپ جاتىر.

اۆتور

باقىتگۇل اباي قىزى

سوڭعى جاڭالىقتار