شەتەلدە قازاقستاننىڭ قانداي تاۋارلارى تانىمال

استانا. KAZINFORM - ساۋدا جانە ينتەگراتسيا ءمينيسترى ارمان شاكقاليەۆ شەتەلدىك ساۋدا پلاتفورمالارىندا سۇرانىسقا يە قازاقستاندىق تاۋارلار تۋرالى ايتىپ بەردى.

«قىتايدا ەڭ الدىمەن، قازاقستاننىڭ تاماق ونىمدەرى تانىمال، ولار - بال، كونديتەرلىك ونىمدەر جانە الكوگولدى سۋسىندار. تاعام تاۋارلارى ەلەكتروندى پلاتفورمالاردا تانىمال جانە سۇرانىسقا يە»، - دەپ جاۋاپ بەردى ارمان شاققاليەۆ ۇكىمەت ۇيىندە وتكەن باسپا ءسوز ءماسليحاتىندا.

باسقا ەلدەر بويىنشا مينيستر ءار مەملەكەتتە ءارتۇرلى تاۋارلار سۇرانىستا ەكەنىن جەتكىزدى.

«جالپى العاندا، حالىق تۇتىناتىن تاۋارلار، ازىق- تۇلىك، قولونەرمەن بايلانىستى بۇيىمدارىمىز تانىمال. قولدان جاسالعان بۇيىمدار بويىنشا قىزىقتى ساتىلىمدار بار. ەۋروپالىق جانە امەريكالىق نارىقتاردا زەرگەرلىك بۇيىمدارىمىز سۇرانىسقا يە»، - دەپ تولىقتىردى ارمان شاققالييەۆ.

بۇعان دەيىن ساۋدا ءمينيسترى قازاقستاندىقتار ونلاين دۇكەندەردەن قانداي تاۋارلاردى ءجيى الاتىنىن ايتقان ەدى.

اۆتور

ايجان سەرىكجان قىزى