شەرزات پولات سوتى: سوتتالۋشىلارعا بىرنەشە باپ بويىنشا ايىپ تاعىلدى

تالدىقورعان. KAZINFORM - جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا 16 جاستاعى شەرزات پولاتتىڭ ولىمىنە بايلانىستى سوت وتىرىسى ءوتىپ جاتىر.

ءىس بويىنشا ايىپتالۋشىلار ورنىندا 9 ادام وتىر. پروكۋرور سوت وتىرىسىندا ولاردىڭ ءارقايسىسىنا قىلمىستىق كودەكستىڭ قاي باپتارى بويىنشا ايىپ تاعىلعانىن وقىدى.

Фото: Берік Ақтан

ولار:

- ابزال شىناسىل قىلمىستىق كودەكستىڭ 293-بابى 3-بولىگى (بۇزاقىلىق)، 99-باپ 2-بولىگى 1,4,7, 9,14-تارماقتارى (ادام ءولتىرۋ)، 24-باپ 3-بولىگى (قىلمىسقا دايىندالۋ جانە قىلمىسقا وقتالۋ)؛

- راۆيل ساكييەۆ قىلمىستىق كودەكستىڭ 293-بابى 3-بولىگى (بۇزاقىلىق)، 24-باپ 3-بولىگى (قىلمىسقا دايىندالۋ جانە قىلمىسقا وقتالۋ)، 99-باپ 2-بولىگى 7,9-تارماقتارى (ادام ءولتىرۋ)؛

- شىڭعىس بەلعوجايەۆ، نۇرقياس ءىلياسوۆ، دارحان اسكەنتاي، نۇربول توقتاۋبايەۆ، ديدار قالياحمەت، ازامات توقتاۋبايەۆ قىلمىستىق كودەكستىڭ 293-بابى 3-بولىگى (بۇزاقىلىق).

- كامەلەتكە تولماعان ديدار ىسقاق قىلمىستىق كودەكستىڭ 434-بابى (قىلمىس تۋرالى حابارلاماۋ) بويىنشا ايىپ تاعىلىپ وتىر.

ەسكە سالايىق، بيىل اقپان ايىندا شەرزات ىسىنە قاتىستى قىلمىستى تەرگەۋ اياقتالدى. قىلمىستىق ءىس 62 تومنان تۇرادى. تەرگەۋ بارىسىندا 40 سوت ساراپتاماسى جۇرگىزىلىپ، شامامەن 200 كۋاگەردەن جاۋاپ الىنعان.

بىلتىر 4- قازان كۇنى توبەلەستەن 16 جاستاعى جاس ءوسپىرىم قايتىس بولعانىن جازعانبىز.

كەيىن اشۋلى تالعارلىقتار جاس ءوسپىرىم ولىمىنە بايلانىستى نارازىلىققا شىقتى.

اۆتور

دوسبول اتاجان