شەكارانى بۇزعانى ءۇشىن 13 شەتەل ازاماتى ۇستالدى - ۇ ق ك

استانا. KAZINFORM – ۇ ق ك شەكارا قىزمەتى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا قاڭتاردا قۇزىرلى ورگاندارمەن ءوزارا ارەكەتتەسە وتىرىپ، ءبىرقاتار زاڭبۇزۋشىلىقتى انىقتادى.

اتاپ ايتقاندا، شەكارا كەڭىستىگىندە 2776 قازاقستان رەسپۋبليكاسىنىڭ زاڭنامالارىن بۇزۋشى ۇستالدى. سونىڭ ىشىندە 13 شەتەل ازاماتى شەكارانى بۇزعانى ءۇشىن ۇستالدى، 19 شەتەل ازاماتىمەن شەكارانى بۇزۋ ارەكەتتەرىنىڭ جولى كەسىلدى.

مەملەكەتتىك شەكارا ارقىلى 881 زاڭسىز الىپ ءوتۋ فاكتىلەرىنىڭ الدىن الدى. سونىڭ ىشىندە 50 ەسىرتكى زاتتارى بار، ونىڭ جالپى سالماعى - 3,3 ك گ. مۇنىمەن قوسا 25 اتۋ قارۋى مەن وق-دارىلەر (15 دانا اتۋ جانە 1451 دانا سۋىق قارۋ، 101 دانا وق- دارىلەر)؛ 47 ءدىني ادەبيەت (1757 دانا)؛ 281 - جالپى سوماسى 9 ميلليون تەڭگەدەن اساتىن جانار-جاعارماي ماتەريالدارى (37600 ليتر)؛ 408 - جالپى سوماسى 1,2 ميلليارد تەڭگەدەن استام حالىق تۇتىناتىن تاۋارلار؛ 70 جالپى سوماسى 940 ميلليون تەڭگەدەن استام ۆاليۋتا.

كاسپي اكۆاتورياسىندا 2 براكونەرلىك فاكتىنىڭ الدىن الدى. سونداي- اق جالپى ۇزىندىعى 900 مەتىر تور بولاتىن براكونەرلىك اۋلاۋ قۇرالدارى 3 دانا (12 ك گ) بەكىرە تۇقىمداس بالىق، 2 دانايتبالىق. الدىن العان زالال سوماسى - 6 ميلليون تەڭگە. بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.

مەملەكەتتىك شەكارادا قانداي دا ءبىر شەكتەۋ شارالارى ەنگىزىلگەن جوق. بارلىق وتكىزۋ پۋنكتتەرى شتاتتىق رەجيمدە جۇمىس ىستەدى.

اۆتور

ەلميرا ورالبايەۆا