شاتىردا ۇيىقتاپ جاتقان تۋريست قىزدى ايۋ ورمانعا سۇيرەپ اكەتكەن
استانا. قازاقپارات - رەسەيدىڭ التاي ايماعىندا تۋريستىك بازادا قايعىلى وقيعا ورىن الدى. ايۋ شاتىردا ۇيىقتاپ جاتقان تۋريستەرگە شابۋىل جاساپ، 29 جاستاعى بويجەتكەندى ورمانعا سۇيرەپ اكەتكەن، دەپ حابارلايدى «24KZ».
ت ج م دەرەكتەرى بويىنشا، وقىس وقيعا 19- تامىزعا قاراعان ءتۇنى بيا وزەنىنىڭ جاعاسىندا ورنالاسقان «يستوك» تۋربازاسىنىڭ اۋماعىندا بولعان. جىرتقىش پالاتكانى جىرتىپ، ىشىندەگى قىزدى سۇيرەپ الىپ كەتكەن. رەسەيلىك ب ا ق وكىلدەرىنىڭ جازۋىنشا، بۇل سۇمدىق جاعداي جاقىندا عانا سۇيىكتىسىنە تۇرمىسقا شىعۋعا ۇسىنىس جاساعان جىگىتتىڭ كوز الدىندا بولعان. جاقىندارى مەن قۇتقارۋشىلار ايۋدى قۋىپ كەتۋگە تىرىسقانىمەن، ناتيجە شىقپاي، ايۋ قىزدى الىپ ورمانعا بوي تاسالاعان.
قازىرگى ۋاقىتتا الەۋمەتتىك جەلىلەردە وقيعا ورىن العان جەردىڭ كادرلارى تارادى: ۆيدەودان شاتىردىڭ ءىشى شاشىلىپ جاتقانىن، كيىمدەر مەن ءبىر كروسسوۆكانىڭ سىرتتا شاشىلىپ قالعانىن كورۋگە بولادى. وقيعادان كەيىن جەرگىلىكتى بيلىك جوعارى دايىندىق رەجيمى ەنگىزىپ، كومەندانتتىق ساعات جاريالانعانىن مالىمدەدى.
