شاردارا اۋدانى ءبىلىم ءبولىمىنىڭ باسشىلارى 3,7 ميلليارد تەڭگە جىمقىردى دەگەن كۇدىككە ءىلىندى
استانا. KAZINFORM - سىبايلاس جەمقورلىققا قارسى قىزمەتتىڭ تۇركىستان وبلىسى بويىنشا دەپارتامەنتى شاردارا اۋدانى ءبىلىم ءبولىمىنىڭ لاۋازىمدى تۇلعالارىنا قاتىستى سوتقا دەيىنگى تەرگەۋدى اياقتادى.
ق ر سىبايلاس جەيقورلىققار قارسى ءىس-قيمىل اگەنتتىگى باسپا ءسوز قىزمەتىنىڭ حابارلاۋىنشا، 12 قاتىسۋشىدان تۇراتىن تۇراقتى ۇيىمداسقان توپقا، ونىڭ ىشىندە ءبولىم باسشىلارى مەن ولاردىڭ باعىنىستى بۋحالتەرلەرى ءبىلىم بەرۋ سالاسىندا ناقتى جۇمىس ىستەمەگەن جەكە تۇلعالارعا، سونداي-اق وزدەرىنىڭ جەكە شوتتارىنا جالاقىنى زاڭسىز اۋدارۋ جولىمەن 2020-2023 -جىلدار كەزەڭىندە بيۋدجەت قاراجاتىن جىمقىردى دەگەن كۇدىك كەلتىرىلىپ وتىر.
قىلمىستىق ارەكەتتەردىڭ سالدارىنان مەملەكەتكە 3,7 ميلليارد تەڭگە كولەمىندە زالال كەلتىرىلدى.
قابىلدانعان شارالارعا سايكەس جالپى سوماسى 639,8 ميلليون تەڭگەگە زالال وتەلدى جانە مۇلىككە تىيىم سالىندى.
قازىرگى ۋاقىتتا قىلمىستىق ءىس سوتقا دەيىنگى تەرگەۋدىڭ اياقتالۋى تۋرالى ەسەپپەن پروكۋراتۋراعا جىبەرىلدى.
قىلمىستىق- پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
ق ر سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنىڭ حابارلاۋىنشا، اگەنتتىك ءبىلىم بەرۋ سالاسىنداعى جۇيەلى جەمقورلىق فاكتىلەرىنىڭ جولىن كەسۋ بويىنشا جۇمىستى جالعاستىرۋدا.
وسى رەتتە جىمقىرۋ تاۋەكەلدەرىن بارىنشا ازايتۋ ءۇشىن بارلىق وڭىرلەردە ءبىرىڭعاي بۋحالتەرلىك ەسەپ جۇيەسى ەنگىزىلدى، بۇل جوعارى جالاقى مەن «جوق جانداردى» ەسەپتەي وتىرىپ، الاياقتىقتى ۋاقتىلى توقتاتۋعا، جالعان دەرەكتەردىڭ ەنگىزىلۋىنە توسقاۋىل قويۋعا مۇمكىندىك بەرەدى.
قازىر اكىمدىكتەر اي سايىن ءبىلىم بەرۋ ۇيىمدارىنىڭ بۋحالتەرلىك ەسەپ جۇيەلەرىن قازىناشىلىق ەسەپتەرىمەن اۆتوماتتى تۇردە سالىستىرىپ وتىرادى. كەز كەلگەن سايكەسسىزدىكتەر ەكى رەت تەكسەرىلەدى.
سونىمەن قاتار، ىشكى مەملەكەتتىك اۋديت كوميتەتى جانە ونىڭ اۋماقتىق دەپارتامەنتتەرى بيىلعى تامىزدان باستاپ جالاقىنى نەگىزسىز اۋدارۋ تۇرعىسىنان تولەمدەردى كامەرالدىق باقىلاۋدى جۇزەگە اسىرادى.
بارلىق كۇدىكتى وپەراتسيالار سىبايلاس جەمقورلىققا قارسى قىزمەتكە، ءبىلىم باسقارماسىنا جانە اۋدارىم جاساعان ۇيىمنىڭ وزىنە تالداۋ جاساۋ ءۇشىن تۇسەدى.
بۇل بارلىق كۇدىكتى وپەراتسيالاردى باقىلاۋعا جانە قۇقىق بۇزۋشىلىقتاردى انىقتاۋعا مۇمكىندىك بەرەدى.
2023 -جىلدىڭ باسىنان باستاپ وسى سالادا بارلىعى 297 قىلمىستىق ءىس جۇرگىزىلدى. قىلمىس جاساۋدا 406 ادام اشكەرەلەنىپ، ونىڭ ىشىندە 196 ادام ءتۇرلى جازالاۋ شارالارىنا سوتتالدى.
اۆتور
ايدار وسپاناليەۆ
