شاۆكات ميرزيەۆ «تۇركيا رەسپۋبليكاسى وردەنىمەن» ماراپاتتالدى
استانا. KAZINFORM - انكاراعا ساپارى اياسىندا وزبەكستان رەسپۋبليكاسىنىڭ پرەزيدەنتى شاۆكات ميرزيەۆ تۇركيا رەسپۋبليكاسىنىڭ جوعارى مەملەكەتتىك ناگراداسىمەن ماراپاتتالدى.
بۇل تۋرالى وزبەكستان باسشىسىنىڭ باسپا ءسوز قىزمەتى حابارلادى.
تۇركيا پرەزيدەنتى رەجەپ تايپ ەردوعان وزبەكستان پرەزيدەنتىنە ەلدىڭ ەڭ جوعارى مەملەكەتتىك ناگراداسى، «تۇركيا رەسپۋبليكاسى وردەنىن» سالتاناتتى تۇردە تابىس ەتتى.
«بۇگىن، ەلدەرىمىز اراسىنداعى جان-جاقتى ستراتەگيالىق ارىپتەستىكتى تەرەڭدەتۋ تۋرالى دەكلاراتسياعا قول قويىلعان كۇنى تۇركيا رەسپۋبليكاسىنان وسىنداي جوعارى ماراپاتقا يە بولۋ مەن ءۇشىن ۇلكەن مارتەبە. بۇل ماراپات حالىقتارىمىز اراسىنداعى كوپ عاسىرلىق دوستىقتىڭ، جوعارى دەڭگەيدەگى سەنىمدى بايلانىس پەن ەكىجاقتى كوپجاقتى قارىم-قاتىناستاردىڭ قارقىندى دامۋىنىڭ سيمۆولى»، - دەدى شاۆكات ميرزيەۆ.
ايتا كەتۋ كەرەك، تۇركيا رەسپۋبليكاسى پرەزيدەنتىنىڭ شەشىمى بويىنشا بۇل سىيلىق تۇركيامەن دوستىق قارىم-قاتىناستى دامىتۋعا زور ۇلەس قوسقان مەملەكەت قايراتكەرلەرىنە بەرىلەدى.
اۆتور
جاراسقان نۇرىبايەۆ
