شاۆكات ميرزيەۆ پرەمەر-مينيستر ولجاس بەكتەنوۆتى قابىلدادى
استانا. KAZINFORM - فورۋم اياسىندا وزبەكستان رەسپۋبليكاسىنىڭ پرەزيدەنتى شاۆكات ميرزيەۆ قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆتى قابىلدادى. بۇل تۋرالى ۇكىمەتتىڭ باسپا ءسوز قىزمەتى مالىمدەدى.
ولجاس بەكتەنوۆ قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قۇتتىقتاۋ ءسوزى مەن ىزگى تىلەكتەرىن جەتكىزدى. كەزدەسۋ بارىسىندا ساۋدا-ەكونوميكالىق، كولىك- لوگيستيكالىق، ونەركاسىپتىك، سۋ-ەنەرگەتيكالىق، مادەني-گۋمانيتارلىق ىنتىماقتاستىق ماسەلەلەرى قارالدى.
وزبەكستان - قازاقستاننىڭ ماڭىزدى ساۋدا سەرىكتەسى. بيىلعى ءتورت اي قورىتىندىسى بويىنشا تاۋار اينالىمى وتكەن جىلدىڭ سايكەس كەزەڭىمەن سالىستىرعاندا %9,4- عا ارتىپ، $1,3 ميلليارردتى قۇرادى. ەكسپورت 15,9%- عا ءوسىپ، $1 ميلليارردتى قۇرادى. نەگىزگى قوزعاۋشى كۇش ونەركاسىپ، اۆتوموبيل جانە اۋىل شارۋاشىلىعى سالالارىنداعى كووپەراتسيا بولدى.
ەسكە سالا كەتەيىك، بۇعان دەيىن ۇكىمەت باسشىسى ولجاس بەكتەنوۆ وزبەكستانعا باراتىنىن جازعان بولاتىنبىز.
