شاحمات وليمپياداسى: قازاقستاندىقتار فرانسيا قۇراماسىنان باسىم ءتۇستى

استانا. KAZINFORM - ماجارستان استاناسى بۋداپەشت قالاسىندا ءوتىپ جاتقان شاحماتتان 45- وليمپيادا ويىندارىندا قازاقستان قۇراماسى چەمپيوندىق اتاققا جاقىنداپ كەلەدى.

ق ر سپورتتى دامىتۋ ديرەكسياسى اتاپ وتكەندەي، ايەلدەر سايىسىندا قىزدارىمىز 8-تۋردا تۋرنير كەستەسىندە شامالاس تۇرعان فرانسيادان (2355, №13) 2,5-1,5 ەسەبىمەن مىقتىلىعىن كورسەتتى.

وندا ءبيبىسارا اساۋبايەۆا مەن الۋا نۇرمان قارسىلاسىنان باسىم تۇسسە، ءامينا قايىربەكوۆا تەڭ وينادى. تەك مەرۋەرت كاماليدەنوۆا جەڭىلىسسىز كەلە جاتقان ميلليەت سوفيەگە شاماسى جەتپەدى.

ەندى الداعى 9-تۋردا كوماندامىز باستى فاۆوريتتىڭ ءبىرى پولشامەن جولىعادى. ەگەر قارسىلاستارىنان باسىم ءتۇسىپ جاتسا، چەمپيوندىق اتاققا قول جەتكىزۋى مۇمكىن.

ايەلدەر سايىسىنداعى كەستە (169 ەل):

1. پولشا - 14 ۇپاي

2. ءۇندىستان - 14 ۇپاي

3. قازاقستان - 14 ۇپاي

4. ا ق ش - 13 ۇپاي

5. ارمەنيا - 13 ۇپاي

ال ەرلەر اراسىندا ءبىزدىڭ شاحماتشىلار بانگلادەش قۇراماسىن 3:1 ەسەبىمەن ۇتتى. قازىبەك نوگەربەك، الىشەر سۇلەيمەنوۆ جەڭىسكە جەتسە، دەنيس ماحنيەۆ پەن الديار اڭسات تەڭ ءتۇستى.

اۆتور

كۇنسۇلتان وتارباي