شاڭحاي كينوفەستيۆالىنە قازاقستاننان ەكى كينولەنتا قاتىسادى

استانا. قازاقپارات - 14-23 -ماۋسىم كۇندەر ارالىعىندا وتەتىن 26- شاڭحاي حالىقارالىق كينوفەستيۆالىنىڭ (SIIF) اشىلۋىنا قازاقستاننان ەكى فيلم قاتىسۋدا.

В Шанхайском кинофестивале примут участие две киноленты из Казахстана
Фото: siff.com

2024 -جىلعى كينوفەستيۆالدىڭ نەگىزگى كونكۋرستىق باعدارلاماسىنا ەكى قازاقستاندىق فيلم كىردى: تولىقمەتراجدى كوركەم فيلمدەر بولىمىنە رەجيسسەر دانيار سالاماتتىڭ «The Divorce» فيلمى تاڭدالدى. بۇل فيلمنىڭ شاڭحاي كينوفەستيۆالىندەگى كورسەتىلىمى ونىڭ الەمدىك پرەمەراسى بولماق.

«جاڭا ازيا تالانتتارى» باعدارلاماسىندا قازاقستان، رەسەي جانە يتاليا بىرلەسىپ تۇسىرگەن ماليكا ماحامەدجاننىڭ «Longer than a day» فيلمى كورسەتىلەدى. بۇل دا الەمدىك پرەمەرا.

بايقاۋعا 105 ەل مەن ايماقتان 3,7 مىڭنان استام ءوتىنىم كەلىپ ءتۇستى. ىرىكتەۋ قورىتىندىسى بويىنشا 29 ەل مەن ايماقتان 50 فيلم بەس نوميناتسيا بويىنشا «التىن كۋبوك» جۇلدەسىن الۋ ءۇشىن تاڭدالدى، ونىڭ 38- ءى الەمدىك پرەمەرالار بولدى.

تولىق مەتراجدى كوركەم فيلمدەر نوميناتسياسىندا باس جۇلدەگە 14 كينوكارتينا، سونىڭ ىشىندە قازاقستاندىق «The Divorce» فيلمى تالاسادى.

سونىمەن قاتار، كينوفەستيۆال اياسىندا «ءبىر بەلدەۋ -ءبىر جول» ەلدەرىنىڭ كينو اپتالىعى» وتەدى.

شاڭحاي حالىقارالىق كينوفەستيۆالى 1993-جىلدان بەرى وتكىزىلىپ كەلەدى.

اۆتور

زارينا تۋعانبايەۆا

سوڭعى جاڭالىقتار