ش ى ۇ سامميتى اياسىندا ەكى ماڭىزدى قۇجات ازىرلەۋ جوسپارلانعان - قىتاي سىرتقى ىستەر ءمينيسترى
استانا. KAZINFORM - قىتاي شاڭحاي ىنتىماقتاستىق ۇيىمىنىڭ (ش ى ۇ) كەزەكتى ءتوراعاسى رەتىندە 100-دەن استام ءىس-شارا وتكىزەدى. بۇل تۋرالى بۇگىن «ەكى سسەسسيا» اياسىندا وتكەن بريفينگتە ق ح ر سىرتقى ىستەر مينيسترلىگىنىڭ باسشىسى ۋڭ ي ايتتى، دەپ حابارلايدى Kazinform ءتىلشىسى.
- بيىل كۇزدە قىتاي تيانجيڭ قالاسىندا ش ى ۇ ءسامميتىن وتكىزەدى، وندا ش ى ۇ ەلدەرىنىڭ باسشىلارى تەڭىز جاعاسىندا ءساتتى تاجىريبەلەردى قورىتىندىلاۋ، دامۋ جوسپارىن بەلگىلەۋ جانە ىنتىماقتاستىق بويىنشا كونسەنسۋستى ازىرلەۋ ءۇشىن باس قوسادى، - دەدى ق ح ر سىرتقى ىستەر ءمينيسترى.
ونىڭ ايتۋىنشا، قىتاي ش ى ۇ ءتوراعاسى رەتىندە ساياسات، قاۋىپسىزدىك، ەكونوميكا جانە گۋمانيتارلىق سالالارعا ارنالعان 100-دەن استام كەزدەسۋلەر مەن ءىس-شارالار وتكىزەدى.
قىتايدىڭ شاڭحاي ىنتىماقتاستىق ۇيىمىنا ءتوراعالىعىنىڭ باستى تاقىرىبى - «ش ى ۇ- نىڭ تۇراقتى دامۋ جىلى». ونىڭ بارىسىندا ەكى ماڭىزدى قۇجات ازىرلەۋ جوسپارلانعان: سامميت دەكلاراتسياسى مەن ش ى ۇ- نىڭ كەلەسى كەزەڭگە ارنالعان دامۋ ستراتەگياسى.
شاڭحاي ىنتىماقتاستىق ۇيىمى - 2001 -جىلى ماۋسىمدا شاڭحايدا قازاقستان، قىتاي، قىرعىزستان، رەسەي، تاجىكستان جانە وزبەكستان قۇرعان ايماقتىق ۇيىم. بۇگىنگى تاڭدا ش ى ۇ- عا 10 مۇشە مەملەكەت، ەكى باقىلاۋشى مەملەكەت جانە 14 ديالوگتىق سەرىكتەستەر كىرەدى.
بۇعان دەيىن قىتايدىڭ ش ى ۇ- عا ءتوراعالىعى كەزىندە قانداي شارالار وتەتىنى تۋرالى حابارلانعان بولاتىن.
