ش ى ۇ باس حاتشىسىنىڭ ورىنباسارى بەيجىڭدە وتكەن فورۋمعا قاتىستى

استانا. KAZINFORM - شاڭحاي ىنتىماقتاستىق ۇيىمىنىڭ باس حاتشىسىنىڭ ورىنباسارى نۇرلان ەرمەكبايەۆ 14-قىركۇيەكتە قىتايدىڭ بەيجىڭ قالاسىندا وتكەن 11-سيانشان فورۋمىنا قاتىستى.

ءىس-شارا بارىسىندا قىتايدىڭ «شينحۋا» اقپارات اگەنتتىگىنە بەرگەن سۇحباتىندا، ەرمەكبايەۆ شاڭحاي ىنتىماقتاستىق ۇيىمىنىڭ ايماقتىق بەيبىتشىلىك پەن قاۋىپسىزدىكتى ساقتاۋداعى ءرولىن ەرەكشە اتاپ ءوتتى.

نۇرلان ەرمەكبايەۆ جاھاندىق جاعدايدىڭ كۇردەلەنە تۇسۋىنە جانە تۇراقسىزدىققا اينالۋىنا بايلانىستى جاڭا قاۋىپتەر مەن قاقتىعىستاردىڭ، سونىڭ ىشىندە قارۋلى قاقتىعىستاردىڭ ۇنەمى تۋىنداپ وتىرعان جاعدايدا، ش ى ۇ سياقتى حالىقارالىق ىنتىماقتاستىق ۇيىمدارىنىڭ ماڭىزدىلىعى بارعان سايىن ايقىن بولا باستاعانىن ايتتى.

«ش ى ۇ - پروبلەمالاردى بەيبىت جولمەن شەشۋدى جاقتايتىن جانە كۇردەلى ماسەلەلەردى بىرلەسىپ شەشۋ ءۇشىن كونسۋلتاتسيالار ىزدەۋدى جاقتايتىن ۇيىم. بۇل ش ى ۇ- نىڭ نەگىزگى قاعيداتتارىنا سايكەس كەلەدى»، - دەدى باس حاتشىنىڭ ورىنباسارى.

نۇرلان ەرمەكبايەۆ ش ى ۇ-دا تەرروريزمگە، ەكسترەميزمگە جانە سەپاراتيزمگە قارسى كۇرەس جونىندەگى ارنايى اگەنتتىك - ش ى ۇ تەرروريزمگە قارسى ايماقتىق قۇرىلىمى بار ەكەنىن، لاڭكەستىككە قارسى ىنتىماقتاستىق بويىنشا وقۋ-جاتتىعۋلار جۇيەلى تۇردە وتكىزىلىپ تۇراتىنىن ايتتى. بۇل ادىستەر مۇشە مەملەكەتتەردىڭ شەكارالارىن قورعاۋعا كومەكتەسەدى.

سۇحبات بارىسىندا باس حاتشىنىڭ ورىنباسارى كيبەراقپاراتتىق قىلمىستاردىڭ كۇشەيۋىنە بايلانىستى ش ى ۇ- دا كيبەرقاۋىپسىزدىك دەپارتامەنتى قۇرىلعانىن اتاپ ءوتتى. ونىڭ ايتۋىنشا، مۇشە مەملەكەتتەر كەزدەسۋلەر، تاجىريبە الماسۋ، وقىتۋ جانە باسقا دا ادىستەر ارقىلى اقپاراتتىق قاۋىپسىزدىكتى بىرلەسىپ جاقسارتادى.

جۇقپالى اۋرۋلاردىڭ تارالۋىنا جاۋاپ رەتىندە  ش ى ۇ حالىقتىڭ دەنساۋلىعىن ساقتاۋ ءۇشىن دەنساۋلىق ساقتاۋ

اۆتور

مۇقتار مۇرات