ديماشتىڭ لوندونداعى جانكۇيەرلەرى كومەك جيناپ جاتىر

استانا. قازاقپارات - قىزىل سۋدان زارداپ شەككەن قازاقستاندىقتارعا تۇماندى البيون دا قول ۇشىن سوزدى. ۇلى بريتانيادا تۇراتىن وتانداستارىمىز بەن جەرگىلىكتى حالىق جىلى كيىمدەر مەن تاعى باسقا قاجەتتى زاتتار جيناپ جاتىر.

سونداي- اق، ارنايى اشىلعان ەسەپ- شوتقا اقشا اۋدارىپ، ەلەكتروندى پاراقشاعا تىلەكتەرىن قالدىرۋدا. يگى ءىستىڭ باسىندا وسى ەلدە جۇمىس بابىمەن ۋاقىتشا تۇرىپ جاتقان قازاقستاندىقتار، ستۋدەنتتەر جانە ەرتەرەكتە كوشىپ كەتكەن قانداستارىمىز ءجۇر. ديماش قۇدايبەرگەننىڭ جانكۇيەرلەرى دە قازاق ورتالىعى كوتەرگەن باستاماعا بارىنشا اتسالىسىپ جاتىر.

دجيل براۋن، د. قۇدايبەرگەن فان- كلۋبىنىڭ باسشىسى:

- ەلىڭىزدەگى سۋ تاسقىنى مەن ونىڭ زارداپتارى تۋرالى حاباردارمىز. حالىقتىڭ مال-مۇلىكى سۋعا كەتكەنىن ەستىپ، قابىرعامىز قايىستى. تابيعي اپاتتان جاپا شەككەندەردى قولداۋ ءۇشىن از دا بولسا اقشا جينادىق. سۋدىڭ تاسۋى توقتاپ، جاعداي تەزىرەك تۇراقتالسىن دەپ دۇعا ەتەتىن بولامىز.

www.24.kz