ديماشتىڭ جاڭا ءانى لاتىن امەريكاسى راديوسىنان بەرىلدى

استانا. KAZINFORM - لاتىن امەريكاسىنىڭ «Andromeda» راديوستانتسياسىنىڭ «ديماشتىڭ عالامى» باعدارلاماسىندا قازاقستاندىق ونەرپازدىڭ «When I’ve Got You» اتتى جاڭا ءانى العاش رەت شىرقالدى، دەپ جازادى dimashnews.com.

تىڭداۋشىلارعا شىعارما ۇناعانى سونشا، ولار راديوجۇرگىزۋشىلەردەن ونى قايتا قويۋىن ءوتىندى.

Universo Dimash («ديماشتىڭ عالامى») باعدارلاماسى العاش رەت وسىدان تۋرا ءبىر جىل بۇرىن، 2023 -جىلدىڭ 1-ناۋرىزىندا قازاقستاندا العىس ايتۋ كۇنى مەن ناۋرىز مەيرامىنىڭ قارساڭىنا وراي ەفيرگە شىققان ەدى.

ديماشتىڭ اندەرى العاش رەت 7-اقپاندا مەكسيكا راديوسىنان شىرقالعان بولاتىن. ال بۇنى ۇيىمداستىرعان ءانشىنىڭ حالىقارالىق Mahabbat Dears فان-كلۋبى ەدى.

ەفيردىڭ تىڭداۋشىلار اراسىندا ۇلكەن تولقۋ مەن سۇرانىس تۋدىرعانى سونشا، Andromeda Radio جۇرگىزۋشىلەرى تولىعىمەن قازاقستاندىق ورىنداۋشىنىڭ شىعارماشىلىعىنا ارنالعان جاڭا باعدارلاما جاساۋدى ۇيعاردى. «ديماشتىڭ عالامى» اتتى باعدارلاما قۇرىلعاننان بەرى ەفيردە 14 ەپيزود جارىق كوردى.

28-اقپان كۇنگى راديوستانسيادا قازاقستاندىق ونەرپاز ديماش قۇدايبەرگەننىڭ كوپتەگەن تۋىندىلارىنىڭ شىعۋ تاريحى باياندالىپ، اندەرى شىرقالدى. 

اۆتور

ەربول جانات