11:54, 10 - جەلتوقسان 2023 | GMT +5
ديماش ەۋروپاداعى ايگىلى تەلەشوۋدا قازىلىق ەتەدى
تانىمال ءانشى ديماش قۇدايبەرگەن «ۆيرتۋوزي» تەلەشوۋىندا ۇلى تەنور پلاسيدو دومينگومەن بىرگە قازىلار قۇرامىندا بولعانىن ماقتانىشپەن جازدى، دەپ حابارلايدى Kazinfom.
بۇل تۋرالى ءانشى Instagram-داعى پاراقشاسىندا جازبا جاريالادى.
«1999-جىلى ۇيدە 3 ۇلى تەنوردىڭ كونسەرتىنىڭ كاسسەتاسى بار بولاتىن. سودان جىلدار وتكەن سوڭ ۇلى پلاسيدو دومينگومەن بىرگە ەۋروپاداعى ەڭ قىزىقتى «ۆيرتۋوزي» تەلەشوۋىنىڭ قازىلار القاسىنىڭ مۇشەسى بولىپ جۇمىس ىستەيتىنىمدى ەلەستەتە دە المادىم. بۇل جاس تالانتتى سايىسكەرلەرگە ناعىز جۇلدىز بولۋعا تاماشا مۇمكىندىك. بارلىق سايىسكەرگە جانە قازىلار القاسىنا ساتتىلىك تىلەيمىز. شاقىرتۋ ءۇشىن راحمەت»، - دەپ جازدى ديماش قۇدايبەرگەن.
Посмотреть эту публикацию в Instagram
اۆتور
ابىلايحان جۇماش
