«ديكي ارمان» ءىسى بويىنشا سوت تەرگەۋى اياقتالدى
الماتى. KAZINFORM - «ديكي ارمان» لاقاپ اتىمەن تانىمال ارمان جۇماگەلديەۆتىڭ ءىسى بويىنشا سوتتا جارىس ءسوز باستالدى.
ادۆوكات ولەگ چەرنوۆ الەۋمەتتىك جەلىدەگى پاراقشاسىندا اتالعان ءىس بويىنشا سوت شەشىمى قاشان قابىلدانۋى مۇمكىن ەكەنىن جازدى.
- جۇماگەلديەۆ ارماننىڭ ءىسى بويىنشا سوت تەرگەۋى اياقتالدى، سوتتا جارىس ءسوز باستالدى. قازىر مەملەكەتتىك ايىپتاۋشى سويلەپ جاتىر. ايىپتالۋشىلارعا ۇزاق مەرزىم سۇرالۋدا. مەن جەلتوقسان ايىنا دەيىن اياقتاپ، 2025 -جىلى قاڭتاردىڭ باسىندا شەشىم شىعارىلادى دەپ ويلايمىن، - دەلىنگەن جازبادا.
ەسكە سالايىق، 2022 -جىلى الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ بەدەلدىسى ارمان جۇماگەلديەۆتى ۇستاعان بولاتىن.
2023 -جىلى قىركۇيەك ايىندا الماتىدا «ديكي ارمان» مەن قايرات قۇدايبەرگەنگە قاتىستى سوت وتىرىسى باستالدى.
بۇعان دەيىن «ديكي ارمان» جەتەكشىلىك ەتكەن ۇيىمداسقان قىلمىستىق توپتىڭ 15 مۇشەسى ۇستالعانىن جازعانبىز.
دوسبول اتاجان
اۆتور
