دونالد ترامپ ءۇشىنشى دۇنيەجۇزىلىك سوعىستى بولدىرماۋعا ۋادە بەردى
استانا، KAZINFORM - ا ق ش- تىڭ بۇرىنعى پرەزيدەنتى دونالد ترامپ قازىرگى ۋاقىتتا الەمگە جاقىنداپ كەلە جاتقان ءۇشىنشى دۇنيەجۇزىلىك سوعىستىڭ الدىن الۋعا ۋادە بەردى.
بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.
«مەن ءۇشىنشى دۇنيەجۇزىلىك سوعىستىڭ الدىن الامىن. ءبىز ءۇشىنشى دۇنيەجۇزىلىك سوعىسقا وتە جاقىن تۇرمىز جانە بۇل وزگەلەرىنە ۇقسامايتىن سوعىس بولادى»، - دەدى ول بەيسەنبى كۇنى جاقتاستارىنىڭ الدىندا سويلەگەن سوزىندە.
تىكەلەي ەفير RSBN كونسەرۆاتيۆتى مەدياكومپانياسىنىڭ ارناسىندا كورسەتىلدى.
ترامپ سونىمەن قاتار اق ۇيدەگى «سوپاق كابينەتىنە كەلگەنگە دەيىن» بەيبىتشىلىكتى قالپىنا كەلتىرە الاتىنىن، سونىڭ ىشىندە ۋكراينا مەن رەسەي اراسىنداعى قاقتىعىستى رەتتەي الاتىنىن اتاپ ءوتتى.
بۇعان دەيىن ترامپ قايتا سايلانعان جاعدايدا ۋكرايناداعى قاقتىعىستى 24 ساعات ىشىندە شەشۋگە نيەتتى ەكەنىن ايتقان بولاتىن.
ا ق ش پرەزيدەنتىنىڭ كەلەسى سايلاۋى قاراشا ايىندا وتەدى. 2023-جىلدىڭ 25-ساۋىرىندە امەريكالىق كوشباسشى دجو بايدەن جوعارى مەملەكەتتىك لاۋازىمعا قايتا سايلانۋعا ۇمتىلاتىنىن مالىمدەدى. ترامپ 2022-جىلدىڭ قاراشاسىندا سايلاۋ دوداسىنا قاتىساتىنىن جاريالادى.
اۆتور
زارينا تۋعانبايەۆا
