دەپۋتات كولىكتىڭ الدىڭعى تەرەزەسىن قاراڭعىلاۋعا رۇقسات بەرۋ ۇسىنىسىن ايتتى

استانا. KAZINFORM - ءماجىلىس دەپۋتاتى ولجاس قۇسپەكوۆ اۆتوكولىكتەردىڭ الدىڭعى ءبۇيىر تەرەزەسىن اقىلى تۇردە قاراڭعىلاۋدى زاڭداستىرۋ تۋرالى ۇسىنىس ايتتى.

- مەن 2024 -جىلدان باستاپ ءماجىلىس الاڭىندا دا، قوعامدىق تالقىلاۋلار اياسىندا دا اۆتوموبيلدەردىڭ الدىڭعى ءبۇيىر تەرەزەسىن قاراڭعىلاۋدى زاڭداستىرۋ ماسەلەسىن كوتەردىم. بۇل شارا وزەكتى قوعامدىق سۇرانىستاردى قاناعاتتاندىرۋ تەتىگى رەتىندە عانا ەمەس، سونىمەن قاتار بيۋدجەتكە تۇراقتى تۇسىمدەردىڭ ءتيىمدى كوزى رەتىندە قاراستىرىلادى.

 ۇلتتىق ستاتيستيكا بيۋروسىنىڭ رەسمي مالىمەتتەرى بويىنشا، 2025 -جىلعى 1- مامىرداعى كەزەڭدە ەلىمىزدە 6 ميلليون 176 مىڭ كولىك تىركەۋدە تۇر، ونىڭ 86,5 پايىزى جەڭىل كولىك. اۆتوپاركتىڭ 5 پايىزى قامتىلسا جانە رۇقسات بەرۋدىڭ ورتاشا قۇنى 50 ا ە ك بولسا دا، بيۋدجەتكە تۇسەتىن ىقتيمال تۇسىمدەردىڭ كولەمى جىلىنا 50 ميلليارد تەڭگەدەن اسۋى مۇمكىن. بۇل قاراجات ينفراقۇرىلىمدى قالپىنا كەلتىرۋگە ءارى دامىتۋعا - اۆتوموبيل جولدارىن جوندەۋگە جانە كۇتىپ ۇستاۋعا ماقساتتى تۇردە پايدالانىلۋى مۇمكىن، - دەدى ولجاس قۇسپەكوۆ پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى سەرىك ءجۇمانعاريننىڭ اتىنا جولداعان ساۋالىندا.

ونىڭ ايتۋىنشا، كەدەن وداعىنىڭ «دوڭعالاقتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىنە سايكەس، كەم دەگەندە %70 جارىق وتكىزگەن جاعدايدا الدىڭعى ءبۇيىر اينەكتەردە «تونيروۆكانى» قولدانۋعا رۇقسات ەتىلەدى. بۇل تالاپتار كولىك شىنىسىن قاراڭعىلاۋدى زاڭداستىرۋدىڭ ۇلتتىق ءتاسىلىنىڭ نەگىزىن قالاۋى كەرەك.

- ەلىمىزدە اقىلى مەملەكەتتىك قىزمەتتەردى پايدالانۋدىڭ تابىستى تاجىريبەسى بار. ماسەلەن، 2024 -جىلى بيۋدجەت VIP- مەملەكەتتىك نومىرلەردى ساتۋدان 15,8 ميلليارد تەڭگە الدى، بۇل وسىنداي شەشىمدەردىڭ تيىمدىلىگىن راستايدى. حالىقارالىق تاجىريبە دە زاڭداستىرىلعان اقىلى تونيروۆكانىڭ تيىمدىلىگىن راستادى. ماسەلەن، قىرعىز رەسپۋبليكاسىندا تونيروۆكاعا رۇقسات بەرۋدەن 2024 -جىلى بيۋدجەتكە شامامەن 4 ميلليارد تەڭگە ءتۇستى. وزبەكستاندا جارىق وتكىزۋگە رۇقسات %70- دان باستاپ بەرىلەدى. ب ا ءا مەن وڭتۇستىك كورەيادا تەحنيكالىق تالاپتار مەن باج سالىعىن تولەۋ كەزىندە الدىڭعى اينەكتەردى %50 جانە %40 دەيىن قاراڭعىلاۋعا رۇقسات ەتىلەدى، - دەدى دەپۋتات.

ولجاس قۇسپەكوۆ جوعارىدا ايتىلعانداردى ەسكەرە وتىرىپ، ۇكىمەتكە كەلەسى ۇسىنىستاردى جولدادى:

- بىرىنشىدەن، ۋاكىلەتتى ورگاندارعا رۇقساتتاردى رەسىمدەپ، بيۋدجەتكە ءتيىستى الىمدار ءتۇسىرۋ ءۇشىن، كەم دەگەندە %70 جارىق وتكىزگەن جاعدايدا اۆتوموبيلدەردىڭ الدىڭعى ءبۇيىر شىنىلارىن اقىلى قاراڭعىلاۋدى زاڭداستىرۋ تەتىگىن ازىرلەۋ؛

- ەكىنشىدەن، تەحنيكالىق بايقاۋ راسىمدەرى جانە وزگە دە رەتتەۋشى تەتىكتەر ارقىلى شىنىداعى جارىق وتكىزۋدىڭ بەلگىلەنگەن پارامەترلەرىنىڭ ساقتالۋىن ءتيىمدى باقىلاۋدى قامتاماسىز ەتۋ.

- ۇشىنشىدەن، كولىك قۇرالىنىڭ ساناتىنا بايلانىستى رۇقسات بەرۋگە سارالانعان تاريفتەردى ەنگىزۋ مۇمكىندىگىن قاراستىرۋ، ياعني ەكونوم، بيزنەس جانە پرەميۋم ساناتتارى ەسكەرىلۋى كەرەك.

ەسكە سالساق، بۇعان دەيىن ءى ءى م كولىك تەرەزەلەرىن قاراڭعىلاۋ بويىنشا تالاپتاردى تۇسىندىرگەن ەدى.

اۆتور

رۋسلان عابباسوۆ