دۇنيەجۇزىلىك بانك وزبەكستان ەكونوميكاسىنىڭ ءوسىمىن 5,8 پايىز دەڭگەيىندە بولجاپ وتىر
تاشكەنت. KAZINFORM - ەۋروپا مەن ورتالىق ازيا ەلدەرىنىڭ ەكونوميكالىق دامۋىنا تالداۋ جاسالعان «جاھاندىق ەكونوميكالىق پەرسپەكتيۆالار» اتتى دۇنيەجۇزىلىك بانكتىڭ بايانداماسى جاريالاندى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

دۇنيەجۇزىلىك بانك ەكونوميستەرىنىڭ باعالاۋىنا ساي، بىلتىر وزبەكستاننىڭ جالپى ىشكى ءونىم كولەمى 6 پايىزعا وسكەن. اتالعان ۇيىم 2025 -جىلى كورشىلەس ەلدىڭ ەكونوميكاسى - 5,8 پايىز، ال 2026 -جىلى %5,9-عا ءوسۋى ىقتيمال ەكەنىن بولجاپ وتىر.
ەسكە سالايىق، بىلتىر وزبەكستاننىڭ جالپى ىشكى ءونىم كولەمى 115 ميلليارد دوللارعا جەتتى. بۇل رەتتە شەتەلدىك ينۆەستيتسيالار كولەمى 1,6 ەسە ارتىپ، 35 ميلليارد دوللاردى شامالادى.
بۇعان دەيىن حابارلاعانىمىزداي، وزبەكستاننىڭ دۇنيەجۇزىلىك ساۋدا ۇيىمىنا قوسىلۋ پروتسەسى اياقتالۋعا جاقىن.
سونىمەن قاتار، بيىل رەسمي تاشكەنت $43 ميلليارد ينۆەستيتسيانى يگەرۋدى جوسپارلاپ وتىر.
اۆتور
ءاليحان اسقار