دەنساۋلىق ساقتاۋ سالاسىندا قانداي ماماندار جەتىسپەيدى

Денсаулық
Фото: Абай облысы әкімінің баспасөз қызметі

استانا. KAZINFORM - دەنساۋلىق ساقتاۋ ينفراقۇرىلىمىنىڭ سيفرلىق كارتاسى ازىرلەنەدى. بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى اقمارال ءالنازاروۆا ايتتى.

«رەسپۋبليكا بويىنشا مەديتسينالىق تەحنيكامەن جاراقتاندىرۋ دەڭگەيى 80 پايىز قۇراعانىمەن، ولاردىڭ توزۋ كورسەتكىشى جوعارعى دەڭگەيدە قالىپ وتىر. دەنساۋلىق ساقتاۋ جۇيەسىندە 270 مىڭنان استام مەديتسينا قىزمەتكەرىنىڭ 80 مىڭنان استامى دارىگەرلەر بولۋىنا قاراماستان، ولاردىڭ تاپشىلىعى ازايماي وتىر. ونىڭ ىشىندە تەراپيەۆت، انەستەزيولوگ- رەانيماتولوگ، اكۋشەر- گينەكولوگ دارىگەرلەرىنىڭ تاپشىلىعى بايقالادى»، - دەدى مينيستر.

ونىڭ اتاپ وتۋىنشە، مۇنىڭ بارلىعى دەنساۋلىق ساقتاۋ جۇيەسىنىڭ ينفراقۇرىلىمىن جوسپارلاۋ كەزىندەگى كەمشىلىكتەردىڭ بولۋىن دالەلدەيدى جانە كەزەكتى مىناداي ءىس- شارالار جۇرگىزۋدى قاجەت ەتەدى:

- ستاسيونارلىق كومەكتى تۇتىنۋدىڭ جاس شاماسى نورماتيۆتەرىن ەنگىزۋ جانە ينستيتۋتسيونالدىق بازانى جەتىلدىرۋ؛

- ينفراقۇرىلىم نىساندارىن زاماناۋي جابدىقتارمەن جانە تەحنولوگيالارمەن جاراقتاندىرۋ جۇيەسىن جەتىلدىرۋ؛

- جەرگىلىكتى اتقارۋشى ورگاندار تاراپىنان كورسەتەتىن الەۋمەتتىك قولداۋ شارالارىن ءبىرىڭعايلاندىرۋدى، دەنساۋلىق ساقتاۋ سالاسى ماماندارىنىڭ تاپشىلىعىن ەسكەرە وتىرىپ، كادرلىق رەسۋرستارمەن قامتاماسىز ەتۋدى بولجاۋ جۇيەسىن جەتىلدىرۋ.

«ينفراقۇرىلىمدى جوسپارلاۋ پروتسەسى دەموگرافيالىق جانە حالىقتىڭ اۋرۋشاڭدىق كورسەتكىشتەرىنە ۇزاق مەرزىمدى بولجامدارىنا نەگىزدەلەدى. وسى ءىس-شارالاردى ءتيىمدى ىسكە اسىرۋ ءۇشىن قاجەتتى نورماتيۆتىك قۇقىقتىق اكتىلەر قابىلدانىپ، قولدانىستاعى اقپاراتتىق جۇيە بازاسىندا دەنساۋلىق ساقتاۋ ينفراقۇرىلىمىنىڭ سيفرلىق كارتاسى ازىرلەنەدى. بۇل ءوز كەزەگىندە ينفراقۇرىلىمدى وڭتايلى جوسپارلاۋدى، مونيتورينگ جۇرگىزۋگە مۇمكىندىك بەرەدى»، - دەدى ول.

اۆتور

ەربول جانات

سوڭعى جاڭالىقتار