دەكرەتتەگى اتا-انا تابىس تاپسا، جاردەماقى نەگە توقتاپ قالادى - تامارا دۇيسەنوۆا جاۋابى

استانا. KAZINFORM - پرەمەر-ءمينيستردىڭ ورىنباسارى تامارا دۇيسەنوۆا دەكرەتتەگى انالار تابىس تاپسا، بالانىڭ 1,5 جاسىنا دەيىن بەرىلەتىن تولەم نەگە توقتاتىلاتىنىن ءتۇسىندىردى.

ونىڭ ايتۋىنشا، الەۋمەتتىك كودەكسكە سايكەس، ساقتاندىرۋ جۇيەسى بالا كۇتىمىنە بايلانىستى اتا-انانىڭ جوعالعان تابىسىن وتەيدى.

- زاڭدا ءدال وسىلاي كورسەتىلگەن. وسىعان بايلانىستى، ءسابيدىڭ اناسى نەمەسە اكەسى بالانى كۇتۋ ءۇشىن ۇيدە وتىرىپ، بۇرىنعى تابىسىن الماسا، وعان جالاقىسىنىڭ %40- ى كولەمىندە وتەماقى تولەنەدى. ەگەر ول جۇمىسقا شىقسا جانە جالاقى السا، بۇل جاعدايدا، زاڭعا سايكەس، ەڭبەككە قابىلەتتىلىكتى جوعالتۋعا بايلانىستى تولەمدەر توقتاتىلادى، - دەدى ت. دۇيسەنوۆا ۇكىمەت ۇيىندەگى بريفينگتە.

دەگەنمەن، ت. دۇيسەنوۆا ەلىمىزدە بالا تۋعاندا بەرىلەتىن، كۇتىمى ءۇشىن بەرىلەتىن ءتۇرلى جاردەماقى بار ەكەنىن اتاپ ءوتتى.

- كوپبالالى وتباسى بولسا، بۇل تولەمدەر توقتاتىلمايدى جانە ءارى قاراي تولەنەدى. ءبىز اتا-انالاردى قولداۋ رەتىندە، ەگەر ولار جۇمىس ىستەپ، تابىسىن ساقتاپ قالسا، ولاردى باسقا كوزدەردەن - رەسپۋبليكالىق جانە جەرگىلىكتى بيۋدجەتتەن تولەنەتىن باسقا جاردەماقىلار ارقىلى ىنتالاندىرامىز، - دەدى ت. دۇيسەنوۆا.

ش ق و- دا 780 ايەل دەكرەتتىك تولەمدى ارتتىرۋ ءۇشىن جەكە كاسىپكەر رەتىندە تىركەلگەنىن جازعان بولاتىنبىز.

ايجان سەرىكجان قىزى

اۆتور