دجو بايدەن ەرەۋىلشىلەرگە قوسىلدى
ا ق ش پرەزيدەنتى دجو بايدەن ميچيگانعا ساپارى كەزىندە ەرەۋىلگە شىققان اۆتوونەركاسىپ سالاسىنىڭ وكىلدەرىنە قوسىلىپ، ولاردى قولدايتىنىن ءبىلدىردى. قازاقپارات بۇل تۋرالى ВВС- گە سىلتەمە جاساپ حابارلايدى.

بۇعان دەيىن ا ق ش- تىڭ ءىس باسىنداعى بىردە- ءبىر پرەزيدەنتى ەرەۋىلشىلەردى قولداۋعا تاۋەكەل ەتپەگەن ەدى.
بايدەن ميچيگانعا الداعى پرەزيدەنتتىك سايلاۋداعى ىقتيمال قارسىلاسى دونالد ترامپتىڭ وسى وڭىرگە ساپارىنا ءبىر كۇن قالعاندا كەلدى جانە نارازىلىققا قاتىسۋشىلار پرەزيدەنتتىككە ىقتيمال كانديداتتار ولاردىڭ ءوز قۇقىقتارى ءۇشىن كۇرەسىن ساياساتتاندىرىپ جىبەرەدى دەپ قاۋىپتەنەدى.
دجو بايدەن ەرەۋىلشىلەرگە قاراتا ايتقان سوزىندە ولار «جالاقى مەن باسقا دا جەڭىلدىكتەردىڭ ايتارلىقتاي وسۋىنە لايىق» ەكەنىن اتاپ ءوتتى.
جەكەلەگەن ادامدار بايدەن مەن ترامپتىڭ ساپارىنا قارسىلىعىن اشىق ءبىلدىرىپ جاتتى. «ولاردىڭ ەشقايسىسى مۇندا كەلمەگەنى جاقسى بولار ەدى. ءبىز ءبولىنۋدى قالامايمىز، ال ساياسات ارالاسقان كەزدە كەلىسپەۋشىلىكتەر باستالادى»، - دەيدى ميتينگىگە قاتىسۋشىلاردىڭ ءبىرى.
امەريكا اۆتوكولىك جۇمىسشىلارى وداعىنىڭ (UAW) مۇشەلەرى ءۇش ءىرى كومپانيا - Ford, General Motors جانە Stellantis-تەن جالاقىنى كوتەرۋدى، ەڭبەك جاعدايىن جاقسارتۋدى تالاپ ەتۋدە.
اۆتور
زارينا تۋعانبايەۆا