دجو بايدەن اقباس بۇركىتتى ۇلتتىق قۇس دەپ تانۋ تۋرالى زاڭعا قول قويدى

استانا. KAZINFORM - ا ق ش پرەزيدەنتى دجو بايدەن اقباس بۇركىتتى ۇلتتىق قۇس دەپ تانۋ تۋرالى زاڭعا قول قويدى. بۇل تۋرالى سەيسەنبى كۇنى اق ءۇي تاراتقان مالىمدەمەدە ايتىلعان، دەپ حابارلايدى تاسس.

- دۇيسەنبى، 23- جەلتوقسان كۇنى پرەزيدەنت امەريكا قۇراما شتاتتارى كودەكسىنىڭ 36-تاراۋىنا تۇزەتۋلەر ەنگىزەتىن جانە بۇركىتتى ۇلتتىق قۇس دەپ جاريالايتىن زاڭعا قول قويدى، - دەلىنگەن ءاقۇي مالىمدەمەسىندە.

اقباس بۇركىت 1782 -جىلدان باستاپ ا ق ش رامىزدەرىنىڭ ءبىرى سانالادى، ونىڭ بەينەسى ەلتاڭبادا، پرەزيدەنتتىك ستاندارتتا، بانكنوتتاردا جانە باسقا دا مەملەكەتتىك اتريبۋتتاردا، سونداي-اق ۇلتتىق كورپوراتسيالاردىڭ لوگوتيپتەرىندە قولدانىلادى. سول جىلى كونگرەسس بۇل جىرتقىش قۇستى ۇلتتىق سيمۆول رەتىندە بەكىتتى، ءبىراق وسى ۋاقىتقا دەيىن امەريكا قۇراما شتاتتارىنىڭ ۇلتتىق قۇسى بولعان جوق، ويتكەنى امەريكا زاڭدارىنىڭ كودەكسىندە مۇنداي تارماق جوق.

ەركەجان سماعۇلوۆا
اۆتور