دۋبايدا حالىق سانى رەكوردتى كورسەتكىشكە جەتتى

استانا. KAZINFORM - امىرلىكتە وسى كۇنى 3 ميلليون 825 مىڭ ادام تۇرادى. بۇل بۇرىن-سوڭدى بولماعان جاعداي. جان سانى 1 جىل ىشىندە 170 مىڭعا ۇلعايعان. دۋبايعا قونىس اۋدارۋشىلاردىڭ دەنى كورشى مەملەكەتتەردىڭ ازاماتتارى.

Дубай
Фото: iStock.com / mrtekmekci

اسىرەسە ءناپاقا تابۋ ءۇشىن ۋاقىتشا كەلەتىن ميگرانتتار قاراسى قالىڭ. سوعان بايلانىستى قالادا قاربالاس ۋاقىتتاردا كەپتەلىس بولادى. دەگەنمەن، بىرىككەن اراب امىرلىكتەرى الەمنىڭ ءار قيىرىنان الەۋەتتى ينۆەستورلار مەن جوعارى بىلىكتى مامانداردى تارتىپ جاتىر. سونىڭ اسەرىنەن شاھاردا جىلجىمايتىن مۇلىك، كولىك، دەنساۋلىق ساقتاۋ، ءبىلىم بەرۋ جانە كوممۋنالدىق قىزمەتتەرگە سۇرانىس وسكەن. بيىل دا بۇل ءۇردىس جالعاسۋى مۇمكىن، دەيدى ساراپشىلار. ەندى دۋباي بيلىگى الدىندا جەرگىلىكتى ينفراقۇرىلىمعا تۇسەتىن اۋىرتپالىقتى ازايتىپ، ونى ودان ءارى دامىتۋ مىندەتى تۇر.

24.kz

سوڭعى جاڭالىقتار