دۋباي تۇرعىندارى قىمبات كولىكتەرىن ۆەلوسيپەدكە الماستىرىپ جاتىر

استانا. KAZINFORM - دۋباي تۇرعىندارى قىمبات كولىكتەرىن جەڭىل ءارى ارزان قوزعالىس قۇرالىنا اۋىستىرىپ جاتىر. ويتكەنى قالا كۇندىز جانە كەشكى ۋاقىتتا كولىك كەپتەلىسىنەن كوز اشپايتىن بولعان.

Дубай, ОАЭ, небоскребы, мегаполис
Фото: freepik.com

ماسەلەنى شەشۋ ءۇشىن امىرلىك بيلىگى ۇزىندىعى مىڭ شاقىرىمعا جەتەتىن جاڭا ۆەلوجولاق سالۋعا كىرىستى. ول الداعى 15 جىلدا تولىق پايدالانۋعا بەرىلەدى.

ەجەلگى تۇرمىس-سالتتا شايتان اربا سانالعان كولىك ءتۇرى قازىر ءىرى قالا تۇرعىندارىن دىتتەگەن جەرگە دەر كەزىندە جەتكىزەتىن ماڭىزدى قۇرالعا اينالدى. اسىرەسە دۋباي سەكىلدى حالقىنىڭ سانى كۇن سايىن ءوسىپ، كەپتەلىسى جولاۋشى جولىن ءجيى كەس-كەستەي جونەلەتىن جەردە ونىڭ پايداسى وراسان. ارابتار مۇنى اۋەلدەن ءتۇسىندى. ءسويتىپ پرەميۋم- ليۋكس ساناتتاعى كولىكتەرىن اپتاسىنا كەمى ەكى رەت جەڭىل ءارى جىلدام ۆەلوسيپەدكە اۋىستىراتىن بولدى.

وسى كۇندەرى دۋبايداعى كولىك كەپتەلىسى قالا حالقىن الاڭداتاتىن باستى ماسەلە. ونى شەشۋدىڭ بىردەن-ءبىر جولى - كولىك يەلەرىن جەڭىل قوزعالىس قۇرالىنا كوشىرۋ. بۇل مىندەت رەتىمەن ورىندالىپ كەلەدى. امىرلىك باسشىلىعى جىل سايىن شاھاردا ۆەلو باسەكەلەر وتكىزىپ، تۇرعىنداردى ءتۇرلى تاسىلمەن ىنتالاندىرۋعا كىرىسكەن. ماسەلەن، بيىلعى «ءال- سالام» جارىسى جۇلدە قورى جانە قاتىسۋشىلار سانى جاعىنان ەڭ اۋقىمدىسى.

بىلتىردان بەرى ەل ىشىندە ۆەلوسيپەد تىزگىندەۋدىڭ ارتىقشىلىعى مەن قاۋىپسىزدىك تالاپتارى كەڭىنەن ءتۇسىندىرىلىپ ءجۇر. سەبەبى ونى باسقارۋ كەزىندە ەسكەرەتىن ءبىرقاتار جايت بار. ەڭ اۋەلى جىلدامدىق ساعاتىنا 20 شاقىرىمنان اسپاۋى ءتيىس. ايىپپۇل ءبىزدىڭ اقشاعا شاققاندا 15 مىڭ تەڭگەگە تەڭ. سونداي-اق ارنايى باس كيىمسىز جۇرۋگە جانە ەكىنشى ادامدى وتىرعىزۋعا تىيىم سالىنعان.

سابەر تافتي، دۋباي تۇرعىنى:

- قازىر قىس مەزگىلى بولعاندىقتان، ۆەلوسيپەدتى اپتاسىنا ەكى رەت قولدانىپ ءجۇرمىن. ونىمەن جۇمىسقا باراتىن كەزدەر بولادى. ارنايى جولاق وتە ۇزىن. جاعالاۋدى اينالا جۇرۋگە بولادى. تازا اۋامەن دە تىنىستايسىز. دەنساۋلىققا اسا پايدالى دۇنيە.

امىرلىك ەندى ۆەلوسيپەدشىلەرگە جاسالاتىن جاعدايدى ودان ءارى جاقسارتىپ، ارنايى جولاق ۇزىندىعىن 1600 شاقىرىمعا جەتكىزۋدى جوسپارلاپ وتىر. ازىرگە قالا بويىنشا ۆەلوجولدىڭ ۇزىندىعى 600 شاقىرىمعا شامالاس. جوبا جۇزەگە اسسا، دۋباي الەمدەگى ەڭ ۇزىن ۆەلوجولاعى بار قالا اتانۋى مۇمكىن.

24.kz

سوڭعى جاڭالىقتار