داۋلەتكەرەي كاپ ۇلى الجير مۇراجايىنىڭ ديرەكتورى بولىپ تاعايىندالدى
استانا. KAZINFORM - بەلگىلى اقىن، ايتىسكەر، ادەبيەتتانۋشى داۋلەتكەرەي كاپ ۇلى استانا قالالىق مادەنيەت باسقارماسىنا قاراستى «بىرلەسكەن مۇراجايلار ديرەكسياسى» ديرەكتورىنىڭ ورىنباسارى، الجير مۇراجايىنىڭ ديرەكتورى بولىپ تاعايىندالدى.

داۋلەتكەرەي كاپ ۇلى - قازاقستاننىڭ ەڭبەك سىڭىرگەن قايراتكەرى، حالىقارالىق «الاش» ادەبي سىيلىعىنىڭ يەگەرى، دارىن مەملەكەتتىك جاستار سىيلىعىنىڭ لاۋرەاتى.
ەۋرازيا ۋنيۆەرسيتەتىنىڭ قازاق ادەبيەتى كافەدراسىنىڭ وقىتۋشىسى (1999-2005)، اباي اتىنداعى قازۇپۋ- ءنىڭ قازاق فيلولوگياسى فاكۋلتەتى دەكانىنىڭ تاربيە ءىسى جونىندەگى ورىنباسارى جانە قازاق ادەبيەتى كافەدراسىنىڭ وقىتۋشىسى (2006-2008) قىزمەتتەرىن اتقارعان. استانا قالاسى اكىمدىگى، مادەنيەت باسقارماسىنىڭ قىزمەتكەرى بولىپ جۇمىس ىستەگەن.
ەلوردادا جارىق كورگەن «التىن تامىر» ادەبي- تانىمدىق جۋرنالىنىڭ شەف- رەداكتورى، استانا قالاسىنداعى «فوليانت» باسپاسى ديرەكتورىنىڭ ورىنباسارى بولىپ قىزمەت اتقارعان. ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى، الەۋمەتتىك-تاربيە جۇمىسى دەپارتامەنتى ديرەكتورىنىڭ ورىنباسارى قىزمەتىندە بولعان.
اتالعان ۋنيۆەرسيتەتتىڭ PhD دوكتارانتى.
بۇعان دەيىن قازاقستان جازۋشىلار وداعى استانا قالالىق فيليالىنىڭ ءتوراعاسى بولدى.
ەسىمجان ناقتىباي
اۆتور