داعىستانداعى تەراكتىنى كىمدەر ۇيىمداستىرعانى بەلگىلى بولدى
استانا. KAZINFORM - داعىستانداعى تەراكتىنى ۇيىمداستىرۋشىلاردىڭ ارەكەتى «كروكۋس سيتي حوللدا» ارەكەت ەتۋشىلەرگە قاراعاندا «الدەقايدا تەرەڭ ءارى سالماقتى بولدى»، دەپ مالىمدەدى بۇقارالىق اقپارات قۇرالدارىنىڭ وكىلدەرىنە ارنالعان بريفينگىدە داعىستان باسشىسى سەرگەي مەليكوۆ.
بۇل تۋرالى Kazinform اگەنتتىگىنىڭ رەسەيدەگى مەنشىكتى ءتىلشىسى حابارلادى.
ر ف تەرروريزمگە قارسى ۇلتتىق كوميتەتى اقپارات ورتالىعىنىڭ حابارلاۋىنشا، تەرروريزمگە قارسى جۇرگىزىلگەن وپەراتسيا بارىسىندا دەربەنت قالاسىندا ەكى قىلمىسكەر، ماحاچكالادا ۇشەۋى ۇستالعان.
قارۋلى شابۋىلعا بايلانىستى رەسەي تەرگەۋ كوميتەتىنىڭ داعىستانداعى تەرگەۋ باسقارماسى ر ف ق ك- ءنىڭ 205-بابى (تەرروريستىك اكت) جانە 222-بابى (اتىس قارۋىن زاڭسىز الۋ، ساقتاۋ، الىپ ءجۇرۋ)، سونداي-اق 226-بابى (اتىس قارۋىن ۇرلاۋ) بويىنشا قىلمىستىق ءىس قوزعادى.
اتىس بولعان جەردە قاۋىپسىزدىك ورگاندارىنىڭ جارىلىسقا جاۋاپتى ماماندارى جۇمىس ىستەپ جاتىر. سونداي-اق جەدەل-ىزدەستىرۋ ءىس-شارالارى جۇرگىزىلىپ، قىلمىسكەرلەردى قولداۋشىلار دا ىزدەستىرىلۋدە.
«جەدەل ىزدەستىرۋ جانە تەرگەۋ جۇمىسى وقيعانىڭ بۇكىل فيگۋرانتتارى انىقتالعانشا جۇرگىزىلە بەرەدى. سونداي-اق شەتەلدەن قولداۋ كورسەتىپ وتىرعاندار دا انىقتالادى»، - دەدى سەرگەي مەليكوۆ داعىستاندىقتارعا قاراتا ايتقان بەينەۇندەۋىندە.
دۇيسەنبى كۇنى ماحاچكالادا وتكەن باسپا ءسوز ءماسليحاتىندا ول ەكى قالادا ۇيىمداستىرىلعان تەراكتىلەردىڭ ۋاقىتى مەن ماقسات-مىندەتتەرى ۇيلەستىرىلگەنىن اتاپ ءوتتى.
سونداي-اق ول تەرروريستەردىڭ ارەكەتى بيىلعى ناۋرىز ايىندا «كروكۋس سيتي حوللدا» جاسالعان ارەكەتتەن «تەرەڭ ءارى سالماقتى» بولعانىن جەتكىزدى.
«قىلمىسكەرلەر ءبىر مەزەتتە ءتورت تەرروريستىك اكت ۇيىمداستىرىپ، سول ارقىلى قۇقىق قورعاۋ جانە كۇش-قۋات قۇرىلىمدارىنىڭ جۇمىسىن تىعىرىققا تىرەپ، جاۋاپكەرشىلىكتەن دە، تۇتقىندالۋدان دا امان قۇتىلىپ كەتەمىز دەگەن ويدا بولعان سياقتى»، - دەدى داعىستان باسشىسى.
بۇگىنگى تاڭدا داعىستانداعى سيناگوگا مەن شىركەۋىلەرگە شابۋىلداعان سودىرلاردىڭ كىم ەكەنى انىقتالعان.
ءبىرقاتار رەسەيلىك تەلەگرام- ارنانىڭ حابارلاۋىنشا، داعىستاندا كوزى جويىلعان ەكى سودىر وسمان مەن ءادىل وماروۆتار - سەركاگالينسك اۋدانىنىڭ باسشىسى ماگومەد وماروۆتىڭ بالالارى.
Baza Telegram-ارناسىنىڭ حابارلاۋىنشا، سودىرلاردىڭ ءبىرى - ابدۋساماد امادزيەۆ.
Mash Telegram-ارناسى سودىرلاردىڭ ءبىرى ابدۋلماناپ نۋرماگامەدوۆ مەكتەبىنىڭ تاربيەلەنۋشىسى، ارالاس جەكپە- جەك شەبەرى گادجيمۋراد كاگيروۆ بولۋى مۇمكىن ەكەنىن حابارلادى.
سەركاگالينسك اۋدانىنىڭ باسشىسى م. وماروۆ جەكسەنبى كۇنى تۇتقىندالىپ، ونىڭ ۇيىنە ءتىنتۋ جۇرگىزىلدى.
ول وتستاۆكاعا ءوتىنىش بەرىپ، «ەدينايا روسسيا» بيلىك پارتياسى قاتارىنان شىعارىلدى.
ايتا كەتەيىك، 24 -ماۋسىم كۇنى داعىستاندا بەلگىسىز بىرەۋلەر پراۆوسلاۆ شىركەۋى مەن سيناگوگاعا شابۋىل جاسادى.
سونىڭ سالدارىنان پوليتسيانىڭ 15 قىزمەتكەرى مەن 4 ازامات قازا بولدى. ونىڭ اراسىندا شىركەۋى قىزمەتكەرى دە بار.
رەسپۋبليكادا 24، 25 جانە 26-ماۋسىم ازات تۇتۋ كۇنى بولىپ جاريالاندى.
قايعىلى جاعدايعا بايلانىستى مەملەكەت باسشىسى قاسىم-جومارت توقايەۆ رەسەي پرەزيدەنتى ۆلاديمير پۋتينگە كوڭىل ايتتى.
اۆتور
ايدار وسپاناليەۆ
