20:32, 15 - ءساۋىر 2025 | GMT +5
د. ترامپ اكىمشىلىگى گارۆاردقا قارجى بەرۋدى توقتاتتى
استانا. قازاقپارات - ا ق ش ۇكىمەتى گارۆارد ۋنيۆەرسيتەتىنە قارجى بەرۋدى توقتاتتى. ستۋدەنتتەرگە گرانت ەسەبىندە تابىستالۋعا ءتيىس ەكى ميللياردتان استام دوللار، سونداي-اق باسقا كەلىسىم-شارتتارعا ارنالعان 60 ميلليون دوللار بولىنبەيتىن بولدى.
ەلدىڭ ءبىلىم مينيسترلىگى ۋنيۆەرسيتەت اق ءۇيدىڭ تالاپتارىن ورىنداۋدان باس تارتقانىن ايتادى. ساياساتكەرلەر شەتەلدىك ستۋدەنتتەردى قابىلداۋ جۇيەسىنە اۋديت جاساعالى وتىر. سونىمەن قاتار گارۆاردقا ءارالۋاندىق، تەڭدىك جانە ينكليۋزيا باعدارلاماسىنان باس تارتۋ تالابى قويىلدى. الايدا ۋنيۆەرسيتەت باسشىلىعى: «مۇنداي شارتتار اكادەميالىق بوستاندىق قۇقىعىنا قايشى»، - دەيدى.
