د د ۇ ا ق ش- تىڭ ۇيىم قۇرامىنان شىققاننان كەيىن شىعىنداردى قىسقارتۋعا نيەتتى
استانا. KAZINFORM - دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس گەبرەيەسۋس ۇيىمنىڭ شىعىندارى مەن باسىمدىقتارىن قايتا قاراستىرۋ تۋرالى قىزمەتتىك حات جولدادى، دەپ حابارلايدى Kazinform مەنشىكتى ءتىلشىسى.

Reuters اگەنتتىگىنىڭ اقپاراتىنشا، د ۇ باسشىسى قول قويعان قۇجاتتا ۇيىم اقشانى ۇنەمدەۋ ءۇشىن ءىسساپار شىعىندارىن ايتارلىقتاي قىسقارتۋدى جانە قىزمەتكەرلەردى جالداۋدى توقتاتۋدى جوسپارلاپ وتىرعانى ايتىلعان. سونداي-اق قۇجاتتا د د ۇ ۇيىمداعى بيۋدجەتتىك جانە ىشكى وزگەرىستەرگە دايىندالىپ قويعانى، الايدا اعىمداعى جاعدايعا بايلانىستى ولار جەتكىلىكسىز بولىپ شىققانى اتاپ وتىلگەن.
بۇدان بىلاي د د ۇ بارلىق كەزدەسۋلەردى بەينەكونفەرەنسيا فورماتىندا وتكىزۋدى، IT جابدىقتارىن اۋىستىرۋدى شەكتەۋدى جانە قاۋىپسىزدىككە بايلانىستى بولماسا، كەڭسەلەردى جوندەۋ جۇمىستارىن توقتاتۋدى جوسپارلاپ وتىر.