ءۇيى جوق قايىرىمدى ميللياردەر

استانا. قازاقپارات - قايىرىمدىلىقتى الەمدىك عىلىمدا «فيلانتروپيا» دەپ اتايدى. الەم بويىنشا بۇل ا ق ش-تا جاقسى دامىعان. جىل سايىن بۇل ەلدىڭ ميللياردەرلەرى قايىرىمدىلىق قورىنا ميلليارداعان قاراجات بولەدى.

ماسەلەن، اتاقتى مايكراسوفت كومپانياسىنىڭ نەگىزىن قالاۋشى بيلل گەيتس پەن Facebook-ءتى باسقاراتىن مارك سۋكەربەرگ وزدەرىنە تيەسىلى اكسيالاردىڭ 99 پايىزىن قايىرىمدىلىققا جۇمسايتىنىن ايتادى.

بۇگىنگىنىڭ جومارت جاندارى كىمدەر؟

فيلانتروپتىڭ باي ادامداردان ماعىناسى ءسال وزگەشە. ياعني، بۇل، گرەك تىلىنىنەن اۋدارساق، ادام جانە جاقسى كورۋ دەگەندى بىلدىرەدى. ياعني، قارجىلاي ءارى رۋحاني تۇرعىدا كومەك بەرەتىن ادامدار. ادەتتە مۇنداي ادامدار وتە قاراپايىم كەلەدى. «قايىرىمدى ءىسى ءۇشىن» دۇنيەجۇزىلىك نوبەل سىيلىعىن العان ايگىلى تەرەزا انانىڭ ءىزىن جالعاۋشى بۇگىنگىنىڭ جومارت جاندارى كىمدەر؟

اتاقتى بيلل گەيتس قۇرعان قايىرىمدىلىق قور بىلتىر ا ق ش-تاعى قارا ءناسىلدى 20 مىڭنان استام ستۋدەنتتى تەگىن ءبىلىم الۋ گرانتىمەن قامتاماسىز ەتكەن. 1994-جىلدان بەرى قور بۇكىلالەمدىك دەنساۋلىق ساقتاۋ ۇيىمى، روتاري قورى، بۇكىل الەمدىك سپيد-پەن، تۋبەركۋلەزبەن جانە بەزگەكپەن كۇرەس قورى، سونداي- اق يۋنيسەف سەكىلدى ءتۇرلى ۇيىمدارعا 71 ميلليارد ا ق ش دوللار قارجىلاي كومەك بەرگەن.

سونداي-اق، قور جۇمىسى، اۋىل شارۋاشىلىعىن دامىتۋعا، كىتاپحانالارعا، قالاداعى كەدەيشىلىك پروبلەمالارىن شەشۋگە، الەمدىك دەنساۋلىق ساقتاۋ مەن ءبىلىم بەرۋ ىستەرىنە ايرىقشا كوڭىل اۋدارادى. قازىر قورداعى بيۋدجەت 8,3 ميلليارد ا ق ش دوللارىنا تەڭ.

سيتاتا: «الەمدە كومەككە مۇقتاج جان قانشاما. ولار تۋرالى قانداي دا ءبىر اقپاراتتى عالامتوردان كوزىم شالسا، سول ەلگە بارىپ، سول حالىقتىڭ تۇرمىسىمەن ءوز كوزىممەن تانىسۋعا اركەز تىرىسامىن. سوندا عانا، وزگەگە قول ۇشىن بەرۋدىڭ ءمانىن، ماعىناسىن تەرەڭ تۇسىنۋگە بولادى دەپ ويلايمىن».

ءۇيى جوق ميلليونەر

«قينالعانعا دەمەۋ بولماسام، ءوزىمدى باقىتسىز سەزىنەم» دەيدى، الەمدە ميلليونەر فيلانتروپ رەتىندە تانىلعان - چارلز فيني. بىلتىر كۇزدە دۇنيەدەن وزعان امەريكالىق كاسىپكەردىڭ جەكە شوتىندا ميلليارداعان قاراجاتى بولا تۇرا، ول جالدامالى پاتەردە تۇرعان. مەترومەن جۇرگەن. كولىگى دە، تۇراقتى باسپاناسى بولماعان. قاراپايىم كيىنىپ، ارزان ءدامحانادا تاماقتانعان. قازىر ونىڭ 27 ەلدە كومپانياسى بار. افريكا، اۆستراليا، امەريكا جانە يرلانديادا قارتتار ءۇيىن، مەكتەپ پەن اۋرۋحانا اشقان.

قازىردە 13 مىڭنان استام ستۋدەنت ءبىلىم الاتىن ليمەريكا ۋنيۆەرسيتەتىندە، نەيروبيولوگيانى زەرتتەيتىن عىلىمي ورتالىقتار اشقان تۇلعا بارشا ادامزاتقا مىناداي وسيەت قالدىردى.

سيتاتا: «اقشاڭىز كوپ بولسا، ۇلكەن ماسەلەنى شەشۋگە اتسالىسىڭىز. ءبىر ماسەلەنىڭ شەشىمى ميلليونداعان ادامنىڭ ءومىرىن جەڭىلدەتەدى». چارلز فرەنسيس فيني، امەريكالىق بەدەلدى كاسىپكەر بۇل ەكى ازاماتتىڭ شىققان جەرى ا ق ش بولعانىمەن، الەمدەگى ەڭ قايىرىمدى ەل يندونەزيا ەكەن.

بريتانيالىق Charities Aid Foundation قورى كەلتىرگەن ستاتيستيكاعا سۇيەنسەك، يندونەزياداعى حالىقتىڭ 84 پايىزى يگى ءىس جاساۋعا ۇمتىلادى. 63 پايىزى ەرىكتى. بۇل ەل، تاياۋ شىعىستا قاقتىعىس باستالعان ساتتە گازاعا قۇنى 2 ميلليارد ا ق ش دوللارىنا تەڭ، 51,1 توننا گۋمانيتارلىق جۇك جونەلتكەن ەلدەردىڭ العاشقىسى.

ميلليونداعان ادام كومەككە مۇقتاج

تاياۋ شىعىس دەمەكشى، قازىر گازا سەكتورىندا 2 ميلليونداي ادام ءبىر ءتىلىم نانعا مۇقتاج. بۇل الەم ەلدەرىنىڭ نازارىنان تىس قالعان ەمەس. كومەك جەرمەن دە، كوكپەن دە، ءتىپتى تەڭىز ارقىلى جەتكىزىلىپ جاتىر. ءبىرى جەتسە، ءبىرى شەكارادان اسار ەمەس. بىرىككەن اراب امىرلىكتەرى، مىسىر، فرانسيا، گەرمانيا تاعى باسقا وزگە دە دە مەملەكەتتەردەن جونەلتىلگەن جۇك پەن قارجىلاي بولىنگەن كومەكتە سان جوق. ماسەلەن، ەۋروكوميسسيا بىلتىر بۇكىل ايماقتاعى پالەستينا حالقىن قولداۋعا 82 ميلليون ەۋرو بولسە، قوسىمشا تاعى 68 ميلليون ەۋرو بولمەك. بۇل حالىقارالىق سەرىكتەستەر، سونىڭ ىشىندە قىزىل كرەست جانە قىزىل جارتى اي ۇيىمى ارقىلى جۇزەگە اسىرىلادى.

سيتاتا: «ءبىز گازاداعى بەيبىت تۇرعىنداردى قولدايمىز جانە بەيكۇنا سابيلەردىڭ جاعدايىنا الاڭدايمىز. قاقتىعىس كەسىرىنەن، ولارعا ازىق-تۇلىك جەتپەيدى. مەديتسينالىق كومەك دەر كەزىندە كورسەتىلمەيدى. سوندىقتان، ولاردى قولداۋ ماقساتىمەن ءبىز تاعى دا بيىل 68 ميلليون ەۋرو ءبولۋدى ءجون كوردىك».

ۋرسۋلا فون دەر ليايەن، ەۋروپالىق كوميسسيا پرەزيدەنتى قانشا كومەك جەتكىزىلگەنىمەن، بۇل بارلىق شىعىننىڭ ورنىن، ، قاقتىعىس ءبىرجولا بىتپەيىنشە تولتىرا المايدى. ال تاياۋ شىعىستا بەيبىت كۇننىڭ ورناۋى ازىرگە بەيمالىم. ءبىزدىڭ ەلدە دە گازا سەكتورىنداعى زارداپ شەككەندەردى قولداۋ ءۇشىن، مەملەكەت تاراپىنان 1 ميلليون دوللارداي قارجىلاي دا، زاتتاي دا كومەك كورسەتىلدى. بۇل تاياۋ شىعىس بولسىن، تۇركياداعى ءزىلزالا بولسىن وزگە دە قيىن قىستاۋ كەزىندە ءبىزدىڭ ەلدىڭ كومەكتەسۋگە اركەز دايىن ەكەنىن بىلدىرەدى.

www.24.kz