ءى ءى م انتيكورمەن بىرلەسىپ ەلورداعا سينتەتيكالىق ەسىرتكى جەتكىزەتىن ءىرى ورتالىقتى جويدى

جالپى جانە ارنايى ءىس-شارالاردى وتكىزۋ بارىسىندا ەلوردالىق پوليتسيا دەپارتامەنتىنىڭ قىزمەتكەرلەرى سىبايلاس جەمقورلىققا قارسى ءىس- قيمىل اگەنتتىگىمەن بىرلەسىپ، الماتىدان استاناعا سينتەتيكالىق ەسىرتكى جەتكىزۋدىڭ ءىرى ارناسىنىڭ جولىن كەستى.

6 -قاڭتاردا استانا قالاسىندا لوگيستيكالىق كومپانيا ارقىلى ەسىرتكىنىڭ ءىرى پارتياسىن الۋ كەزىندە پاۆلودار وبلىسىنىڭ تۇرعىنى ۇستالدى. ودان اۆتوكولىكتى ءتىنتۋ كەزىندە 4,8 ك گ مەفەدرون سالىنعان 16 پوليەتيلەن پاكەت، ەلەكتروندى تارازى جانە 500 دانا zip-پاكەت تاركىلەندى.

ءبىر مەزگىلدە الماتى قالاسىندا ەسىرتكى جونەلتۋشى قۇرىقتالدى. ونىڭ پاتەرىن ءتىنتۋ بارىسىندا ەسىرتكى زاتى بار بەس پلاستماسسا كونتەينەر، ەكىنشى دەڭگەيلى بانكتەردىڭ تولەم كارتالارى، 1,3 ميلليون تەڭگە كولەمىندە قاراجات جانە ەلەكتروندى تارازى تاركىلەندى.

«وسى فاكتى بويىنشا قازاقستان رەسپۋبليكاسىنىڭ قىلمىستىق كودەكسىنىڭ 297-بابى 3-بولىگىمەن قىلمىستىق ءىس قوزعالدى، ۇستالعاندارعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى»، - دەدى ق ر ءى ءى م ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى سارقىتباي قۇسايىنوۆ.

اۆتور

ەلميرا ورالبايەۆا