ءوزىن جەمقورلىقپەن كۇرەس قىزمەتىنىڭ باسشىسى رەتىندە تانىستىرعان ادام ۇستالدى
استانا. KAZINFORM - ءوزىن سىبايلاس جەمقورلىققا قارسى قىزمەتتىڭ ءتوراعاسى رەتىندە تانىستىرعان ازامات اكىمشىلىك جاۋاپكەرشىلىككە تارتىلدى، دەپ حابارلايدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى.
اگەنتىكتىڭ جامبىل وبلىسى بويىنشا دەپارتامەنتى جۋالى اۋدانىنىڭ №4 مەكتەبىنىڭ ديرەكتورى ج. ە. پەرنەشيەۆا مەن سىبايلاس جەمقورلىققا قارسى قىزمەتتىڭ ءتوراعاسى بولىپ كورىنگەن بەلگىسىز ادام اراسىنداعى تەلەفون ارقىلى سويلەسۋ فاكتىسى بويىنشا كەلەسىنى حابارلايدى.
دەپارتامەنت جۇرگىزگەن تەكسەرۋ شەڭبەرىندە اتىراۋ وبلىسىنىڭ اۋماعىندا تۇراتىن ازاماتتىڭ (از. «س» ) كىم ەكەنىن انىقتادى.
ول ءوزىن سىبايلاس جەمقورلىققا قارسى قىزمەتتىڭ ءتوراعاسى رەتىندە كورسەتە وتىرىپ، بۇرىن ەڭبەك ءتارتىبىن بۇزعانى (جۇمىس ورنىندا ماس كۇيىندە بولعان) ءۇشىن جۇمىستان بوساتىلعان قىزمەتكەردى جۇمىسقا قايتا الۋعا جاردەم كورسەتۋدى سۇراعان.
وسىعان بايلانىستى ازامات «س» - نىڭ ءىس-ارەكەتىندە اكىمشىلىك قۇقىق بۇزۋشىلىق بەلگىلەرى بايقالدى، جينالعان ماتەريالدار قۇزىرەتى بويىنشا اتىراۋ وبلىسىنىڭ پوليتسيا دەپارتامەنتىنە قۇقىقتىق باعا بەرۋ ءۇشىن جىبەرىلدى.
بيىلعى 8 -مامىردا پوليتسيا دەپارتامەنتى ازامات «س» - عا قاتىستى جالا جابۋ فاكتىسى بويىنشا اكىمشىلىك قۇقىق بۇزۋشىلىق تۋرالى حاتتاما (ق ر ا ق ب ت ك 73-3-بابى 2-بولىگى) جاسالىپ، اتىراۋ قالالىق اكىمشىلىك قۇقىق بۇزۋشىلىق جونىندەگى مامانداندىرىلعان سوتىنا جىبەرىلدى.
سوت پروتسەسى بارىسىندا «س» كىناسىن تولىق مويىندادى جانە جاساعان ىسىنە وكىنىش ءبىلدىردى.
بيىلعى -14 مامىردا سوت شەشىمىمەن «س» ق ر ا ق ب ت ك- ءنىڭ 73-3-بابى 2-بولىگى بويىنشا كىنالى دەپ تانىلدى جانە ايىپپۇل تۇرىندە اكىمشىلىك جاۋاپكەرشىلىككە تارتىلدى.
- ازاماتتاردان وسىنداي الاياقتىق قوڭىراۋلارعا سەنبەۋگە جانە قوڭىراۋلار نەمەسە حابارلامالار كەلىپ تۇسكەن جاعدايدا قازاقستان رەسپۋبليكاسىنىڭ قۇقىق قورعاۋ ورگاندارىنا دەرەۋ حابارلاۋدى سۇرايمىز، - دەلىنگەن حابارلامادا.
وسىعان دەيىن انتيكوردىڭ قۇرىلىسى ۇزاققا سوزىلعان جوبالاردى باقىلاۋعا العانى تۋرالى جازدىق.
