ءومىرىڭىزدى تۇبەگەيلى وزگەرتەتىن 23 ءىس

استانا. قازاقپارات - 1. شەت ءتىلىن مەڭگەرۋدى باستاڭىز. ءار كۇن سايىن ونى ۇيرەنۋگە كەم دەگەندە جارتى ساعات بولىپ وتىرىڭىز.

2. بولمەڭىزدى قاجەتسىز زاتتاردان ەكى كۇندە ءبىر تازالاۋدى ۇمىتپاڭىز.

3. كومپيۋتەرلىك جانە وزگە ويىنداردان باس تارتىڭىز. ولار ادامنىڭ دۇنيەتانىمىنا اسەر ەتىپ، جامان ىستەرگە باۋليدى.

4. كوشە سامساسى مەن دونەرىنەن جەمەۋگە تىرىسىڭىز. دۇرىس تاماقتانۋدى ۇيرەنىڭىز.

5. تاڭەرتەڭگى جاتتىعۋلاردى جاساپ وتىرىڭىز.

6. كۇندەلىكتى ءبىر ۋاقىتتا ۇيىقتاپ، بەلگىلەنگەن ۋاقىتتا تۇرۋدى ۇيرەنىڭىز.

7. اعزاڭىز العىس ايتسىن دەسەڭىز، تاماقتى دا بىردەي ۋاقىتتا جەڭىز.

8. كۇنى بويى كوتەرىڭكى كوڭىل-كۇيدە ءجۇرۋ ءۇشىن 8 ساعاتتان كەم ۇيىقتاماڭىز.

9. اقشاڭىزدى ۇنەمدەڭىز. ساياحاتقا اقشا جيناڭىز. وزگە مەملەكەتتەرگە ساياحات ادامنىڭ وي-ءورىسىن دامىتادى.

10. تەك جاقسىلىق جايىندا ويلاڭىز. ويلاعانىڭىز مىندەتتى تۇردە جۇزەگە اسادى. ۇنەمى كۇلىمسىرەپ ءجۇرىڭىز.

11. تابىستى ساتتەرىڭىزدى جازۋعا ارنالعان كۇندەلىك باستاڭىز. جانە ەڭ كىشى دەگەن تابىستارىڭىزدى اتاپ ءوتىڭىز.

12. ءومىردى وزگەرتۋگە سەپتىگىن تيگىزەتىن، دۇرىس كىتاپتار وقىپ ۇيرەنىڭىز.

13. كۇندەلىكتى 1 ساعات ينتەرنەت جەلىسىندە وتىرىڭىز.

14. تاماق ىشۋگە 10-15 مينۋت قالعاندا ءبىر كەسە تازا سۋ ءىشىپ الىڭىز. كۇنىنە 2 ليتردەن كەم سۋ ىشپەڭىز.

15. سىمباتىڭىزدى جوندەڭىز. ارتىق سالماقتان ارىلىپ، سپورتپەن اينالىسىڭىز.

16. ماقساتتارىڭىزدىڭ سۋرەتى ىلىنگەن «ارمان تاقتاسىن» جاساڭىز.

17. وسىعان دەيىن جاساي الماي جۇرگەن ىستەردىڭ ءتىزىمىن جازىڭىز. ولاردى ورىنداساڭىز، جەڭىلدەپ قالاسىز.

18. پارازيت سوزدەردەن ارىلىڭىز. ياعني سويلەۋ مانەرىڭىزگە ءمان بەرىڭىز.

19. كۇندە يگى ىستەر جاساپ وتىرىڭىز.

20. كوكىنىستەردى جەمىس-جيدەكتەرمەن الماستىرىڭىز.

21. جۇرگەن كەزدە بويىڭىزدى تىك ۇستاڭىز.

22. بويىڭىزدا جيناقتالعان بارلىق جامان ادەتتەردەن ارىلىڭىز.

23. ادامداردى سىرتىنان جامانداۋدىڭ ورنىنا، قوشەمەت سوزدەردى ءجيى ايتىڭىز.

Massaget.kz