ءولىم جازاسىنا كەسىلگەندەردىڭ سوڭعى اس ءمازىرى

استانا. قازاقپارات - ءولىم جازاسىنا كەسىلگەندەردىڭ سوڭعى تاپسىرىس بەرگەن اسى جايىندا امەريكالىق عالىمدار كولەمدى ماقالا جازدى، - دەپ حابارلايدى The Independent.

زەرتتەۋ ناتيجەسى كورسەتكەندەي، قىلمىسكەرلەردىڭ جارتىسىنا جۋىعى ولەرىنىڭ الدىندا وتە كوپ تاماققا تاپسىرىس بەرەدى ەكەن.

اسىرەسە، ەكزوتيكالىق تاعامدار كوپ دەلىنگەن اتالعان ماقالادا.

جازاسىن ەلەكتر ۇستەلىندە سوڭعى بولىپ وتەگەن اللەن لي دەۆيس 1982 - جىلى جۇكتى ايەل مەن ونىڭ ەكى قىزىن ازاپتاپ ولتىرگەن بولاتىن.

قىلمىسكەردىڭ سوڭعى تىلەگى قۋىرىلعان تەڭىز شاياندارى مەن ءبىر جاشىك سىرا بولعان كورىنەدى.

ال، ناسىلدىكتىڭ سالدارىنان ادام ولتىرگەن لوۋرەنس برەۆەردىڭ جەگەن سوڭعى اسى - ەكى كوتلەت، قۋىرىلعان تاۋىق ەتى، سيىر ەتىنەن ازىرلەنگەن وملەت، كاۋاپ، ەتتەن جاسالعان پيسسا، ءۇش ليتر سىرا جانە بالمۇزداق بولعان.

ءولىم جازاسىنا كەسىلگەندەردىڭ ەكىنشى جارتىسى كەرىسىنشە، از عانا ءدام تاتۋدى ءجون كورەدى. ماسەلەن، ءبىر بوكال كوفە مەن گامبۋرگەر.

عالىمداردىڭ جازۋىنشا، قىلمىسكەرلەردىڭ كوپشىلىگى ولەر الدىندا ءتاتتى تاعام جەيدى ەكەن.

سولاردىڭ ءبىرى ۋيليام نارر ەلەكتر ۇستەلىنە وتىرماستان بۇرىن ءبىر جاشىك شوكولاد پەن ءبىر جاشىك بالمۇزداق جەگەن.

Baq.kz