ءتيىمسىز دەلدالدار ساۋدادان شەتتەتىلەدى
استانا. قازاقپارات - قازاقستاندا ساۋدا سالاسىنداعى ارتىق دەلدالداردى قىسقارتۋ كوزدەلىپ وتىر. بۇل باعىتتاعى تالاپتار ۇلتتىق ستاندارتتىڭ جاڭا رەداكسياسىندا بەكىتىلدى.
قۇجاتقا سايكەس، ەندى الەۋمەتتىك ماڭىزى بار ازىق-تۇلىك تاۋارلارىن ساقتاۋ، تاسىمالداۋ، قاپتاۋ جانە جەتكىزۋگە، ناقتى قىزمەت كورسەتەتىن كوتەرمە جەتكىزۋشىلەر عانا قاتىسا الادى. تاۋار باعاسىنا وسى جۇمىستارعا كەتكەن شىعىندار ءۇشىن قوسىمشا قۇن قوسىلادى. ال مۇنداي قىزمەتتى كورسەتپەي، تاۋاردى تەك قايتا ساتۋمەن اينالىساتىن دەلدالدار سالادان شەتتەتىلەدى. جاڭا تالاپ ازىق-تۇلىك باعاسىنىڭ قالىپتاسۋىن اشىق ەتۋگە، جانە ساۋداداعى ادال باسەكەلەستىكتى دامىتۋعا باعىتتالعان، دەيدى جاۋاپتىلار.
