ءسابيت دونەنتايەۆقا سەمەيلىكتەر سىيعا تارتقان سياساۋىت

پاۆلودار. KAZINFORM - بيىل قازاقتىڭ كورنەكتى اقىنى ءسابيت دونەنتايەۆتىڭ تۋعانىنا 130 جىل تولىپ وتىر. تۇلعانىڭ مەرەيتويىنا وراي وقىرماندارعا اقىننان قالعان جادىگەردى تانىستىرۋدى ءجون دەپ شەشتىك.

сәбит дөнентаев
Фото: Мұрат Аяған/Kazinform

كورنەكتى مەملەكەت قايراتكەرى، اعارتۋشى، ادەبيەتشى سماعۇل سادۋاقاسوۆ 1919 -جىلى ومبى قالاسىندا شىعاتىن «ترۋدوۆايا سيبير» جۋرنالىندا «كيرگيزسكايا ليتەراتۋرا» دەگەن وچەركىندە قازاق ادەبيەتىنىڭ جاعدايى، ونىڭ وركەندەۋى جونىندە تالداۋ جاساعان.

«اقىنداردىڭ ىشىندە حالىقشىل اقىن س. دونەنتايەۆ ايرىقشا دارالانادى. ونىڭ ولەڭدەرىنىڭ رۋحى تازا قازاقشا، ۇلتتىق ارقاۋى ايرىقشا بەرىك، شۋماقتارىنىڭ جۇيەلىلىگى، بۋناقتارىنىڭ ۇندىلىگى جونىنەن، تەرەڭ مازمۇنى جونىنەن، ەڭ اقىرى كەرەمەت وتكىرلىگى جونىنەن دونەنتايەۆ ولەڭدەرى حالىق پوەزياسىنىڭ اتاسى بايتۇرسىنوۆ پەن نازىك جاندى ليريك جۇمابايەۆتىڭ شىعارمالارىنا جەتەعابىل»، - دەپ جازدى.

Сәбит Дөнентаев
Фото: Мұрат Аяған/Kazinform

بۇدان بايقايتىنىمىز، س. دونەنتايەۆ ءوز زامانىندا-اق ناقتى باعاسىن العان اقىن. ال تۇلعانىڭ قازاق ادەبيەتىنىڭ دامۋىنا قالدىرعان مۇراسى ولشەۋسىز.

ءسابيتتىڭ باسپا سوزبەن بايلانىسى، ياعني جۋرناليستىك قىزمەتى 1912 -جىلى پاۆلودارداعى قاسىم ەرتىسبايەۆتىڭ مەدرەسەسىندە وقىپ جۇرگەن كەزىنەن باستالعان. سەمەيدەگى مۇعالىمدەر دايارلايتىن كۋرستا وقي ءجۇرىپ، «سارى ارقا» گازەتى مەن «اباي» جۋرنالىنا ولەڭدەرىن جولداپ وتىرادى. كەيىن «قازاق ءتىلى مەن ادەبيەتى»، «سوتسياليستىك شىعىس»، «جاڭا اۋىل»، «قازاق ءتىلى» گازەتتەرىندە ءتىلشى، ءبولىم مەڭگەرۋشىسى بولىپ قىزمەت اتقارادى. سەمەيدەگى جۋرناليستىك قىزمەتىندە ول جەرگىلىكتى دراماتۋرگتەرمەن، سونىڭ ىشىندە جۇمات شانينمەن بايلانىس ورناتىپ، پەسالاردى تالقىلاۋعا ارالاسقان. اقىن دراماتۋرگيانى وتە قيىن جانر دەپ ەسەپتەگەن.

Сәбит Дөнентаев
Фото: Мұрат Аяған/Kazinform

پاۆلودارداعى بۇقار جىراۋ اتىنداعى ادەبيەت جانە ونەر مۋزەيىندە اقىن ءسابيت دونەنتايەۆتىڭ كوزىندەي بولىپ تۇرعان سياساۋىت بار. بۇل جادىگەردى كەزىندە سەمەيدەگى «جاڭا اۋىل» (قازىرگى «سەمەي تاڭى» ) گازەتىنىڭ رەداكسياسى اقىنعا سىيعا تارتقان. اتالعان باسىلىم 1928-30 -جىلدار ارالىعىندا شىعىپ تۇرعان. سياساۋىتتىڭ استىڭعى جاعىندا لاتىن ارىپتەرىمەن «س. دونەنتاي ۇلىنا «جاڭا اۋىلدان» بەرىلگەن بەلگى» دەپ جازىلعان.

جادىگەردى كەزىندە تۇلعانىڭ قىزى ساۋلەت ءسابيت قىزى اكەسىنىڭ تۋعان جەرىنە ارنايى اكەلىپ، مۋزەيگە تابىس ەتىپ كەتكەن ەكەن.

اۆتور

مۇرات اياعان

سوڭعى جاڭالىقتار