ءۇندىستاننان ءبىزدىڭ ەلگە العاش رەت كونتەينەرلىك جۇك پويىزى جولعا شىقتى

استانا. قازاقپارات - مۋندرا ستانسياسىنان باعىت العان ەشەلون يران، تۇركىمەنستان، وزبەكستان ارقىلى استاناعا كەلەدى. 12 كونتەينەر تيەگەن جۇك پويىزى 5885 شاقىرىمدى ءجۇرىپ وتپەك.

ونىڭ 4300 شاقىرىمى قۇرلىق، 1585 شاقىرىمى تەڭىز جولى. جوبا وزبەكستاننىڭ ۋزتەمير- يۋل- كونتەينەر كومپانياسىنىڭ قولداۋىمەن جۇزەگە اسادى.

جالپى ءۇندىستان- ورتالىق ازيانى پاكىستانعا قارسى ەكونوميكالىق قورعان رەتىندە كورەدى. كورشىلەر شاڭحاي ىنتىماقتاستىق ۇيىمىنا مۇشە بولعانىمەن بىردە تاتۋ، بىردە اراز. وعان سەبەپ داۋلى تەرريتوريالارى بار. سوندىقتان اتالعان ءدالىزدىڭ رەسمي نيۋ-دەلي ءۇشىن ەكونوميكالىق ماڭىزى زور.

ميرزيەد ميرحاميدوۆ، «ۋز تەمير يۋل كونتەينەر» ا ق باسقارما ءتوراعاسى:

- بۇعان دەيىن ءۇندىستاننان وزبەكستانعا كونتەينەرلىك تاسىمال جاسالدى. ياعني ءبىزدىڭ تاجىريبەمىز بار. الداعى ۋاقىتتا وسى مارشرۋتتى كەڭىنەن پايدالانۋدى كوزدەپ وتىرمىز. ءۇندىستان - ورتالىق ازيا ءدالىزى ەلدەر اراسىنداعى الىس بەرىستى ارتتىرىپ، ەكسپورتتاۋشىلار مەن يمپورتتاۋشىلارعا جاڭا مۇمكىندىكتەر اكەلدى.

24.kz