ءۇندىستاندا الەمدەگى ەڭ بيىك تەمىرجول كوپىرى اشىلدى
استانا. KAZINFORM - ءۇندىستاننىڭ پرەمەر-ءمينيسترى نارەندرا مودي كاشمير جازىعىن ەلدىڭ باسقا وڭىرلەرىمەن بايلانىستىراتىن چەناب تەمىرجول كوپىرىنىڭ اشىلۋ راسىمىنە قاتىستى. بۇل تۋرالى uza.uz حابارلادى.
ۇزىندىعى 1,3 شاقىرىمدى قۇرايتىن جانە تەڭىز دەڭگەيىنەن 359 مەتر بيىكتىكتە ورنالاسقان بۇل كوپىر - جەر بەتىندەگى ەڭ بيىك تەمىرجول وتكەلى.
- چەناب تەمىرجول كوپىرى - تەك ينجەنەرلىك كەرەمەت قانا ەمەس، سونىمەن قاتار دجاممۋ مەن سريناگار اراسىنداعى بايلانىستى نىعايتاتىن ماڭىزدى نىسان، - دەپ جازدى مودي X الەۋمەتتىك جەلىسىندە.
سونىمەن قاتار ءۇندىستان پرەمەر-ءمينيسترى دجاممۋ مەن كاشمير وداعى ايماعىنداعى بايلانىستى كۇشەيتۋگە باعىتتالعان كاترا قالاسىندا جالپى قۇنى 460 ميلليارد رۋپييگە (شامامەن 5,4 ميلليارد ا ق ش دوللارى) باعالانعان ينفراقۇرىلىم جوبالارىن ىسكە قوستى.
ەسكە سالا كەتەيىك، بۇعان دەيىن موڭعوليا مەن قىتاي اراسىنداعى ەكىنشى تەمىرجولدىڭ قۇرىلىسى باستالعانىن جازعان ەدىك.
