ءبىر جىلدا قازاقستاندا ۇستالعان ماس جۇرگىزۋشىلەر سانى بەلگىلى بولدى

استانا. KAZINFORM – ق ر ىشكى ىستەر مينيسترلىگى ەلىمىزدىڭ جولدارىندا ۇستالعان ماس جۇرگىزۋشىلەرگە قاتىستى تۇسىنىك بەردى.

мас жүргізуші
Фото: Pexels

- مينيسترلىك قىلمىسقا قارسى كۇرەستى كۇشەيتۋ، قۇقىق بۇزۋعا جول بەرمەۋ جانە قوعامدىق قاۋىپسىزدىكتى قامتاماسىز ەتۋ، سونىڭ ىشىندە جول-كولىك وقيعالارىنىڭ الدىن الۋ ماقساتىندا «قۇقىقتىق ءتارتىپ» جەدەل الدىن الۋ شاراسىن تۇراقتى تۇردە ۇيىمداستىرادى. پوليتسيانىڭ وسىنداي جۇيەلى جۇمىستاردىڭ ناتيجەسىندە، 2024 -جىلى ەلىمىزدىڭ جولدارىندا 18200 ماس جۇرگىزۋشى ۇستالىپ، قايعىلى وقيعالالارعا جول بەرىلمەدى. ولاردىڭ بارلىعى جۇرگىزۋشى كۋالىگىنەن ايىرىلدى، - دەلىنگەن ۆەدومستۆونىڭ Kazinform اگەنتتىگىنە بەرگەن جاۋابىندا.

سونىمەن قاتار بىلتىر جەدەل الدىن الۋ شارالارى بارىسىندا كولىكتى جۇرگىزۋشى كۋالىگىنسىز باسقارعان 5520 ادام انىقتالىپ، جاۋاپكەرشىلىككە تارتىلدى.

بۇدان بۇرىن حابارلانعانداي، كولىكتى ماس كۇيىندە باسقارعاندار 7 جىل بويى جۇرگىزۋشى كۋالىگىن الۋعا ەمتيحان تاپسىرۋعا جىبەرىلمەيدى.

رۋسلان عابباسوۆ

اۆتور

سوڭعى جاڭالىقتار