ءبىلىم سالاسىندا ءجيى جەمقورلىق جاسالاتىن وڭىرلەر اتالدى

жемқорлық
Фото: Kazinform

استانا. KAZINFORM - ءبىلىم بەرۋ سالاسىندا جاسالعان سىبايلاس جەمقورلىق ارەكەتتەردەن مەملەكەتكە بىلتىردان بەرى 15,1 ميلليارد تەڭگە شىعىن كەلگەن. تولىعىراق سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ايتىپ بەردى.

«سىبايلاس جەمقورلىققا قارسى قىزمەت ءبىلىم بەرۋ سالاسىنداعى جۇيەلى جەمقورلىق فاكتىلەرىنىڭ جولىن كەسۋ بويىنشا جۇمىستى جالعاستىرۋدا. 2023 -جىلدىڭ باسىنان بەرى وسى سالادا بارلىعى 229 قىلمىستىق ءىس تىركەلگەن. ولار بويىنشا شىعىن 15,1 ميلليارد تەڭگەنى قۇرادى. جىمقىرۋدىڭ ەڭ كوپ سوماسى جەتىسۋ، تۇركىستان، قىزىلوردا، الماتى، اقتوبە وبلىستارى جانە الماتى قالاسىندا انىقتالدى»، - دەدى دانيار بيگايداروۆ اگەنتتىكتە وتكەن باسپا ءسوز ءماسليحاتىندا.

ونىڭ ايتۋىنشا، وسى ۋاقىت ارالىعىندا 317 تۇلعا قىلمىس ۇستىندە اشكەرەلەنىپ، ونىڭ ىشىندە 144 ادام سوتتالعان.

«اقتوبە وبلىسى بويىنشا سىبايلاس جەمقورلىققا قارسى قىزمەت شالقار اۋدانىنداعى ءبىلىم ءبولىمىنىڭ باسشىسىنا قاتىستى قىلمىستىق ءىستى تەرگەۋدە. ول اۋداندىق جالپى ءبىلىم بەرەتىن ورتا مەكتەپتىڭ ديرەكتورى ارقىلى قىزمەت بويىنشا جالپى قامقورلىعى ءۇشىن ۆەدومستۆولىق باعىنىستى ۇيىمداردىڭ باسشىلارىنان جالپى سوماسى 18,5 ميلليون تەڭگە پارا الدى دەگەن كۇدىككە ءىلىندى. سوتتىڭ سانكسياسىمەن ءبىلىم ءبولىمىنىڭ باسشىسى مەن اۋداندىق مەكتەپ ديرەكتورى قاماۋعا الىندى»، - دەيدى ول.

اۆتور

داۋلەت ىزتىلەۋ

سوڭعى جاڭالىقتار