ءان سالساڭىز، ۇيىقتاعاندا قورىلدامايسىز

استانا. قازاقپارات - بريتان عالىمدارى ۇيىقتاپ جاتقاندا قورىلداۋدان قالاي ارىلۋدىڭ ەمىن تاپتى. ولاردىڭ ايتۋىنشا، جاعىمسىز ارەكەتتى تاستاۋعا كۇندەلىكتى ءان سالىپ ءجۇرۋ جاقسى اسەر بەرەدى دەپ جازادى ВВС.

وقىمىستىلار جۇرگىزگەن زەرتتەۋگە كوزى ۇيقىعا كەتسە قورىلعا باساتىن ادامدار تاڭداپ الىپ، ەكى توپقا بولگەن. العاشقى توپ كۇنىنە 20 مينۋتتان ۆوكالمەن اينالىسىپتى. ال ەكىنشى توپتاعىلار ەشتەڭە ىستەمەگەن.

ارادا ءۇش اي وتكەندە، «انشىلەر» قاۋىمىنىڭ قورىلدارى ازايىپ، تىنىش ۇيىقتايتىنى انىقتالادى.

ايتا كەتەتىن جايت، قورىلدىڭ سول ادامنىڭ عانا ەمەس، اينالاسىنداعىلاردىڭ دا مازاسىن قاشىراتىن ماسەلە ەكەنى ايتپاسا دا تۇسىنىكتى. ءارى دارىگەرلەر ونىڭ سوڭى ولىمگە دە اكەلۋى مۇمكىندىگىن ەسكەرتەدى.

قورىلداۋ تاماقتىڭ جوعارعى بولىگىنىڭ بۇلشىقەتتەرىنىڭ السىزدىگىنەن ورىن الاتىن كورىنەدى. ودان ەمدەلۋگە ارنايى ۆوكالدىق جاتتىعۋلار كومەكتەسەدى.