عالىمدار كيىك سانىن رەتتەۋ تۋرلى بيولوگيالىق نەگىزدەمەنى قاشان ازىرلەيدى

استانا. KAZINFORM - كيىك سانىن رەتتەۋگە، اۋلاۋعا قاتىستى عالىمداردىڭ بيولوگيالىق نەگىزدەمەسى ءالى دايىن ەمەس. ەكولوگيا ءمينيسترى ەرلان نىسانبايەۆ بۇل ماڭىزدى قۇجاتتىڭ كەلەسى اپتادا دايىن بولاتىنىن ايتۋدا.

− زوولوگيا ينستيتۋتى بۇل قۇجاتتى ءالى دە سوزىپ وتىر. بۇل ءبىزدى دە قوبالجىتادى. سەبەبى سولاردىڭ بەرگەن نەگىزدەمەسىنە قاراي تەزدەتىپ ازىرلىك جۇمىسىن باستاپ كەتۋىمىز كەرەك. ءبىز ونى مامىردىڭ ورتالارىندا تولدەۋ بىتكەن سوڭ الامىز با دەپ ويلادىق. سەبەبى وتكەن جىلعى تولدەن كەيىنگى ساناقتى جۇرگىزدىك، سوسىن ولاردىڭ قانشا ءتول بەرەتىنىن بەلگىلەۋ كەرەك بولدى. سول سەبەپتى ءبىراز سوزىلدى. وتكەن جىلعى ءتولدى ەسەپتەگەندە بولجام 4 ميلليوننان اساتىن، ەندى بولجام بويىنشا قانشا پايىز ءتول بەردى، سول بولجامدى كەلەسى جىلعا دەيىن نازاردا ۇستايمىز، − دەدى ە. نىسانبايەۆ سەناتتا وتكەن بريفينگتە.

ەگەر كيىكتى اۋلاۋعا رۇقسات بەرىلسە، بۇل ءىس-شارالار كۇزدە باستالادى.

سونىمەن قاتار، جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ عىلىم جونىندەگى پرورەكتورى، بيولوگيا عىلىمدارىنىڭ دوكتورى ءالجان ءشامشىدىن كيىككە قاتىستى جاسالعان زەرتتەۋلەر جونىندە تۇسىنىك بەردى.

ونىڭ پايىمىنشا، ەلىمىزدەگى 4-5 ميلليون كيىكتىڭ جىل سايىن 20 پايىزىن ەتكە پايدالانۋعا بەرۋگە بولادى.

اۆتور

ايجان سەرىكجان قىزى