عالىمدار: كوك شاي ەر ادامداردىڭ اقىل-وي قىزمەتىنىڭ بەلسەندىلىگىن ارتتىرادى

استانا. قازاقپارات - كوك شاي ىشكەننەن ەر ادامداردىڭ اقىل-وي قىزمەتىنىڭ بەلسەندىلىگى ارتادى دەپ جازادى.

نيدەرلاندى عالىمدارى دا وسىنداي قورىتىندىعا كەلدى، دەپ حابارلايدى meddaily.ru سايتىنان. جانە دە، عالىمداردىڭ مالىمەتتەرى بويىنشا، ىنتالاندىرۋشىنىڭ كەرى اسەرى جوق. گوللانديا عالىمدارى جۇرگىزگەن سىناققا 44 ادام ءوز ەركىمەن قاتىسقان.

سىناق بارىسىندا قاتىسۋشىلاردىڭ جارتىسى ءبىر كەسە كوك شاي ىشكەن. سودان سوڭ ەر ادامداردىڭ زەرەكتىگىن تەكسەرۋ ءۇشىن تاپسىرمالار بەرىلگەن. ولارمەن جۇمىس ىستەۋ كەزىندە باس ميىنىڭ بەلسەندىلىگى ارنايى قۇرالدار كومەگىمەن ولشەندى. زەرتەۋ بارىسىندا انىقتالعانداي، كوك شاي ىشكەن ەر ادامدار اقپاراتتى جاقسى قابىلداپ، ەستە ساقتايتىن بولعان.

ەۋروپادا ءبىر جىل بۇرىن وسىنداي سىناق جاسالعان بولاتىن. ءوز ەركىمەن قاتىسقان 12 ادامدى ەكى توپقا بولگەن، ولاردىڭ ءبىرى تاپسىرمالاردى ورىنداۋ الدىندا كوك شاي سىعىندىسى بار سۋسىن ىشكەن. ناتيجەسىندە، تاعى دا كوك شاي ەر ادامداردىڭ ەستە ساقتاۋ جانە قابىلداۋ قابىلەتىن ايتارلىقتاي جاقسارتادى دەگەن قورىتىندى شىعارىلدى.