عالىمدار جاڭا اۋىل شارۋاشىلىعى تەحنيكالارىن قۇراستىرىپ جاتىر

استانا. قازاقپارات - وتاندىق عالىمدار كليماتتىڭ وزگەرۋىنە بايلانىستى جاڭا اۋىل شارۋاشىلىعى تەحنيكالارىن قۇراستىرۋدى قولعا الدى، دەپ حابارلايدى 24KZ.

شاكارىم ۋنيۆەرسيتەتى جانىنداعى يننوۆاتسيالاردى دامىتۋ ورتالىعىنىڭ جەتەكشىسى ادىلەت سۇگىرباي ەلمىزدىڭ اۋا رايىنا بەيىمدەلگەن تۇقىم سەبۋ ماشينالارىن ويلاپ تاپتى. ونىڭ ايتۋىنشا، قازىر ەگىن شارۋاشىلىعىنا تىڭ تاسىلدەردى ەنگىزۋ كەرەك.

اگروونەركاسىپ سالاسىنداعى وزەكتى ماسەلەلەر پەتروپاۆلدا وتكەن عىلىمي- تەحنولوگيالىق سەسسيادا تالقىلاندى. جيىنعا ساراپشىلار، كاسىپكەرلەر مەن عالىمدار قاتىسىپ، زەرتتەۋ جۇمىستارىمەن ءبولىستى.

ادىلەت سۇگىرباي، شاكارىم ۋنيۆەرسيتەتى جانىنداعى يننوۆاتسيالاردى دامىتۋ ورتالىعىنىڭ جەتەكشىسى:

- ارينە، شەتەلدىك تەحنيكالار قولدانىپ جاتىر. قىتايلىق بولسىن، امەريكالىق بولسىن، ەۋروپالىق ماشينالار بولسىن، بارلىعى قولدانىپ جاتىر. ءبىراق تا بىزگە قازاقستاننىڭ اۋا رايىنا يكەمدەلگەن اۋىل شارۋاشىلىعى ماشينالارى كەرەك. مىسالعا، كارتوپ وتىرعىزاتىن ماشينا جاساۋ، كوشەت وتىرعىزاتىن ماشينا، جۇگەرى، بيداي وتىرعىزاتىن ماشينالار جۇمىسىن جاساپ جاتىرمىن.

24.kz