ءاليحان سمايىلوۆ ن ز م، ن ۋ جانە نازاربايەۆ قورىنىڭ قامقورشىلىق كەڭەسىن باسقارادى

ق ر پرەمەر- ءمينيسترى ءاليحان سمايىلوۆ نازاربايەۆ زياتكەرلىك مەكتەپتەرى، نازاربايەۆ ۋنيۆەرسيتەتى جانە نازاربايەۆ قورىنىڭ جوعارى قامقورشىلىق كەڭەسىنىڭ ءتوراعاسى اتاندى. بۇل جونىندە "نازاربايەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنىڭ سايتى مالىمدەدى، دەپ حابارلايدى قازاقپارات.

بۇعان دەيىن اتالعان لاۋازىم بۇرىنعى پرەزيدەنت نۇرسۇلتان نازاربايەۆتا بولعان ەدى.

جازدا «نازاربايەۆ ۋنيۆەرسيتەتى»، «نازاربايەۆ زياتكەرلىك مەكتەپتەرى» جانە «نازاربايەۆ قورى» مارتەبەسى تۋرالى» ق ر زاڭىنا مەملەكەت باسشىسىنىڭ دەربەس ءبىلىم بەرۋ ۇيىمدارىنىڭ جوعارى قامقورشىلىق كەڭەسىن قۇرۋ جونىندەگى وكىلەتتىكتەرىن ايقىنداۋ بويىنشا تۇزەتۋلەر ەنگەن ەدى. وندا جوعارعى قامقورشىلىق كەڭەسىنىڭ ءتوراعاسى رەسپۋبليكانىڭ تۇڭعىش پرەزيدەنتىنىڭ ورنىنا قازىرگى پرەزيدەنت نەمەسە ول تاعايىندايتىن تۇلعا بولاتىنى جازىلعان.

سونىمەن بىرگە، قامقورشىلىق كەڭەس قۇرامىنا ق ر پرەمەر- ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ، پرەمەر- ءمينيستردىڭ الەۋمەتتىك سالا سۇراقتارى بويىنشا ورىنباسارى تامارا دۇيسەنوۆا، ق ر پرەزيدەنتىنىڭ ەكونوميكالىق ماسەلەلەر جونىندەگى كومەكشىسى اسەت ەرعاليەۆ، ق ر علىم جانە جوعارى ءبىلىم ءمينيسترى ساياسات نۇربەك، «نازاربايەۆ ۋنيۆەرسيتەتى» د ب ب ۇ پرەزيدەنتىنىڭ مىندەتىن اتقارۋشى ادەسيدا يلەسانمي كىرگەن.

اۆتور

ايجان سەرىكجان قىزى