عالامشارداعى ەڭ باي ادام ماسكتىڭ توپ-مەنەدجەرلەرى ونىڭ ەسىرتكى قولدانۋىنا الاڭدايدى

Tesla جانە SpaceX توپ- مەنەدجەرلەرى وسى كومپانيالاردىڭ باس ديرەكتورى يلون ماسكتىڭ ەسىرتكى قولدانىپ جۇرگەنىنە الاڭداپ وتىر.

بۇل تۋرالى سەنبى، 6-قاڭتاردا كاسىپكەر مەن ونىڭ كومپانيالارىمەن تانىس اتى اتالماعان سۇحباتتاستارىنا سىلتەمە جاساپ Wall Street Journal (WSJ) ءمالىم ەتتى. Kazinform اگەنتتىگى بۇل تۋرالى DW- گە سىلتەمە جاساپ حابارلايدى.

«تىيىم سالىنعان زاتتاردى پايدالانۋ SpaceX- ءتىڭ ۇكىمەتپەن ميللياردتاعان دوللارلىق كەلىسىمشارتتارىنا قاۋىپ ءتوندىرۋى مۇمكىن»، - دەپ اتاپ ءوتتى WSJ.

ا ق ش ۇلتتىق ايەروناۆتيكا جانە عارىش كەڭىستىگىن زەرتتەۋ باسقارماسى (NASA) بۇل فيرمانىڭ قىزمەتىن بىرنەشە رەت پايدالانعان.

ماسك WSJ سۇراۋىنا جاۋاپ بەرمەدى. ونىڭ ادۆوكاتى الەكس سپيرونىڭ مالىمدەۋىنشە، بيزنەسمەن «SpaceX- تە ەسىرتكى سىناقتارىنان ۇنەمى جانە كەزدەيسوق تۇردە ءوتىپ تۇرادى. بىردە-ءبىر رەت وتپەي قالماعان».

ماسك ءوز كومپانيالارى «قۇنىنىڭ اجىراماس بولىگى» . سوندىقتان ونىڭ ارەكەتتەرى ينۆەستورلاردىڭ 1 تريلليون دوللارلىق اكتيۆتەرىنە، ونداعان مىڭ جۇمىس ورىندارىنا جانە ا ق ش عارىش باعدارلاماسىنىڭ ماڭىزدى بولىگىنە قاۋىپ ءتوندىرۋى مۇمكىن، دەپ اتاپ كورسەتەدى گازەت.

عالامشارداعى ەڭ باي ادام جەكەمەنشىك ويىن-ساۋىق كەشتەرىندە ل س د، كوكاين، ەكستازي جانە گالليۋتسينوگەندى ساڭىراۋقۇلاقتاردى پايدالانادى. ال بۇل كەشكە قاتىسۋشىلار اقپاراتتى جاريالاماۋ تۋرالى كەلىسىمگە قول قويىپ نەمەسە شاراعا كىرەر الدىندا تەلەفوندارىن تاپسىرادى، دەپ ءتۇسىندىردى گازەت دەرەككوزدەرى.

اۆتور

زارينا تۋعانبايەۆا