بيىلدىڭ وزىندە قولدان اقشا جاساۋدىڭ 13 فاكتىسى تىركەلگەن

استانا. KAZINFORM - قارجىلىق مونيتورينگ اگەنتتىگى جالعان شەتەل ۆاليۋتاسىن وتكىزۋ فاكتىلەرى جيىلەپ كەتكەنىن حابارلايدى.

жалған ақша
Фото: видеодан алынған кадр

دەمالىس ماۋسىمى قارساڭىندا ازاماتتار ۆاليۋتا ايىرباستاۋ كەزىندە، اسىرەسە شەتەلگە شىققاندا، قىراعىلىق تانىتۋى كەرەك.

«جالعان اقشا جاساۋشىلاردىڭ قۇربانى بولماس ءۇشىن جانە قىلمىستىق قۋدالاۋ وربيتاسىنا ىلىنبەۋ ماقساتىندا، جاقسى باعام بويىنشا ايىرباستاۋدى ۇسىنسا دا بەيتانىس ادامدارعا اقشا ايىرباستاماڭىز جانە ۆاليۋتانى دەلدالداردان ساتىپ الماڭىز. ساۋدا-ساتتىق جاساۋ كەزىندە مۇقيات بولۋعا جانە بانكوماتتان اقشا العاندا، چەك ساقتاۋ كەرەك. قىزمەتى قولما-قول اقشا اينالىمىمەن بايلانىستى ازاماتتار مەن قارجىلىق مونيتورينگ سۋبەكتىلەرىن (ە د ب، ايىرباستاۋ پۋنكتەرى، لومباردتار جانە باسقا) جالعان بانكنوت تابىلعان جاعدايدا دەرەۋ ق م ا- نىڭ اۋماقتىق دەپارتامەنتىنە جۇگىنۋگە شاقىرامىز. جالعان اقشا جاساۋ، ساقتاۋ، تاسىمالداۋ نەمەسە وتكىزۋگە بايلانىستى ىستەردى تەرگەپ-تەكسەرۋ تەك قانا ق ر قارجىلىق مونيتورينگ اگەنتتىگىننىڭ جانە ونىڭ اۋماقتىق دەپارتامەنتتەرىنىڭ قۇزىرەتىنە جاتادى» دەيدى اگەنتتىكتەن.

ستاتيستيكاعا سايكەس، 2024 -جىلدىڭ باسىنان بەرى ەل اۋماعىندا 13 جالعان اقشا جاساۋ فاكتىسى تىركەلگەن (2023 -جىلى - 45 قىلمىستىق ءىس، 2022 -جىلى - 44 قىلمىستىق ءىس).

تەك 2023 -جىلى جانە 2024 -جىلدىڭ باسىنان بەرى قازاقستان اۋماعىندا اينالىمنان 1763 جالعان بانكنوت تاركىلەندى.

ونىڭ ىشىندە ۇلتتىق ۆاليۋتادا 1378200 تەڭگە سوماسىنا 384 كۋپيۋرا، ا ق ش دوللارىندا سوماسى 120050 اقش دوللارىنا 1342 كۋپيۋرا، ەۋرودا سوماسى 17500 ەۋروعا 35 كۋپيۋرا، رەسەي رۋبلىمەن - 10000 رۋبل سوماسىنا 2 كۋپيۋرا انىقتالدى.

تاركىلەنگەن جالعان بانكنوتتاردىڭ جالپى سوماسى 55 ميلليون تەڭگەدەن اسادى.

«سونىمەن بىرگە، ق ر ۇ ب جالعان بانكنوتتارى مەن مونەتالارىن نە شەتەل ۆاليۋتاسىن وتكىزۋ ماقساتىندا دايىنداۋ نەمەسە ساقتاۋ مۇلكى تاركىلەنىپ، بەس جىلدان ون ەكى جىلعا دەيىنگى مەرزىمگە (اۋىرلىعىنا قاراي) باس بوستاندىعىنان ايىرۋعا جازالاناتىنى جايلى حاباردار ەتەمىز (ق ر ق ك 231-بابى) » دەپ ەسكەرتەدى اگەنتتىك.

اۆتور

جانات قاپالبايەۆا

سوڭعى جاڭالىقتار